صورة لأم تنتظر ابنتها خلال امتحانات الثانوية العامة، نقلت مشاعر لا يمكن للقلب وصفها أو التعبير عنها بكل كلمات الوفاء، بطلتها سيدة وقفت لابنتها أثناء تأدية الامتحان لتساندها في طريق مستقبلها، تعبيرًا عن أن الأم هي البطلة وعمود المنزل في حياة ابنتها، ليتفاعل الآلاف مع الصورة المنتشرة عبر مواقع التواصل الاجتماعي بسبب تصرفها.

صورة لأم تنتظر ابنتها

انتشرت الصورة ولمست القلوب عبر مواقع التواصل الاجتماعي المختلفة، فالإعجاب والتأثر كان المشهد المسيطر على الجميع، انتشرت الصورة مصاحبة لتعليق ابنتها إسراء أشرف، أخت الطالبة التي تؤدي الامتحان: «دي صورة ماما النهاردة وهي مستنية أختي قدام مدرستها تخلص أول امتحان، شايله علي ضهرها كرسي بيفتح ويقفل عشان بتستنى في الشارع والشمس بالـ3 والـ4 ساعات، عشان متسبهاش لوحدها، طول عمرها شقيانة معانا جدًا».

أم تخطف الأنظار أمام لجنة الثانوية العامة 

وحكيت إسراء أشرف، لـ«هُن»، عن كواليس الصورة: «صورت ماما قدام اللجنة، وهي مستنية شهد أختي، ونزلت الصورة واتفاجئت من ردود الأفعال، هي دايمًا بتعمل كده معانا من سنين، وبالمناسبة كانت بتعمل معايا كده من وأنا في ثانويه عامة، وده من أكتر من 10 سنين، وكانت بتقعد على الأرض تستناني أخلص من أول لأخر امتحان، وعمرها ما زهقت أو تعبت مننا بالعكس طول عمرها شايلة همنا».

حنان الأم والعطاء مستمر

«دايمًا بحب استناهم عشان يحسوا بالأمان وأنا في انتظارهم، وهفضل أعمل كده طول حياتي حتى مع أحفادهم»، بهذه العبارة واصلت الأم كواليس الصورة، فلم تكن تعرف الابنة أن تصرف والدتها حنان شوقي، في أن تنتظرها دون كلل، سيصبح حديث كثير من رواد مواقع التواصل الاجتماعي في غضون دقائق، بالثناء عليها والتوجه إليها بأفضل الدعاء على ما تقوم به تجاه بناتها، ووجهت إليها رسالة حب: «بنحبك يا ماما ومهما كبرنا ملناش غيرك، وبنتحامي في ضلك ووجودك معانا في كل المواقف كفيل يعدي كل صعب».