كتب: محمد أسامة رمضان -
12:15 ص | السبت 30 مارس 2019
قالت الفنانة سمية الخشاب، إنها لاحظت كمية كبيرة جدا من العنف ضد المرأة الفترة الأخيرة لذلك فكرت في أغنية "بتستقوى".
وأضافت خلال حوار خاص ببرنامج "أحلى النجوم" الذي تقدمه الإعلامية بوسي شلبي على شاشة "المحور": "اتحكالي حكايات من مقربين وأصحاب عن إجوازهم اللي بيضربوهم، وأكيد مش كل الرجالة كدا وفي منهم محترمين وفيه رجالة مبيبقوا مغلوب على أمرهم طبعا".
وتابعت: "لازم نقول لا للي بيتعامل مع المرأة بشكل غير آدمي، لأن العنف ممنوع، فيه جمعيات ضد العنف في كل مكان بالعالم، وبحثت بشكل موسع عنها".
واستطردت: "طلبت من الشاعر هشام صادق إننا نعمل حاجه عن العنف ضد المرأة وقلتله ليه الراجل بيستقوى على الست وبعتله الأفكار ولينكات وشحنته بالأفكار فخرج بكلام قوي للغاية ومن جملة "ليه الراجل بيستقوى على المرأة" جات أغنية "بتستقوى".