كتب: أمنية شريف -
12:51 م | الثلاثاء 25 يوليو 2023
من منطلق حب الرسم، فكرت روان خالد، الفتاة العشرينية، طالبة فنون جميلة، أن تدعم الطلاب الراغبين في الالتحاق والدراسة في كليات الفنون، بنشر فيديوهات داعمة لهم من خلال تعريفهم بالكلية وطريقة الدراسة والمواد التي يستخدمونها، ومساعدتهم على تخطي خوفهم، خاصة طلاب المدارس من خلال مشاركتهم جلسات الرسم الخاصة بها.
تجلس ممسكة في يدها فرشاة تضعها في خامات الألوان لتبدع بلوحات مختلفة في أنواع الفنون، أحبت الرسم منذ الطفولة وكان شغفها الأول، إذ روت لـ«الوطن»: «دخلت فنون جميلة جامعة حلوان، برسم من الطفولة، بسبب أن ماما درست في فنون جميلة وهي اللي نمت جوايا الحب وشجعتني، وهي السبب الرئيسي أني أكمل في المجال».
جعلت كلية الفنون عالم كبير يعيش فيه من يحلم بعالم الرسم: «الكلية أكتر شيء خلاني عندي حب وشغف، ففكرت أفيد الطلاب بعمل فيديوهات لأني حلمي كل الناس ترسم، وده تشجيع لطلاب المدارس المهتمين بالفنون أنهم يعرفوا عننا أكتر ويدخلوا ويحققوا حلمهم، ويعرفوا كل المتعلقات بالكلية من المحاضرات والامتحانات، وكأنهم عايشين جوه الكلية، والفيديوهات هدفها التعريف بالكلية بشكل عام، وبردو بدي فكره لغير الدارسين».
فضلًا عن اهتماماها بمجالات مختلفة من الفن: «أنا بحب رسوم الكارتون من وأنا صغيره ودايمًا بنبهر بيها، حبي ليها كبر معايا عشان كدا أختارتها تبقى تخصصي، ونفسي أعمل حاجة الأطفال اللي بعدي يشوفوها وتكون من أسباب حبهم للرسوم، وأمنيتي كل المهتم بمجال الرسم يكمل فيه».
