اختارت الفتاة العشرينية أن تقدم مشروعًا مميزًا يعكس اهتمامها وفريقها بالبيئة، وكانت نتيجة ذلك فساتين مصممة من بقايا القماش ومطرزة بالأحجار الكريمة، وبرغم التكلفة الكبيرة للمشروع والوقت الذي استغرق شهورًا ليظهر بنتيجة تبهر الجميع، تروي إسراء مصطفى كواليس مشروعها وأصدقائها لـ«الوطن»، فكرة استلهام المشروع.

فكرة مشروع صديق للبيئة

منذ بداية الترم الثاني من السنة النهائية اجتمع الفريق المكون من إسراء مصطفى محمد، وسارة السيد أحمد، وآية عوض إبراهيم، الطلاب بكلية الفنون التطبيقية جامعة بنها قسم تكنولوجيا الملابس والموضة، لاختيار التصاميم التي اشتغلوا عليها حتى بداية شهر رمضان، ومع بداية الشهر الكريم بدأ قرار التنفيذ والبحث عن الخامات وتجميعها، تقول «إسراء»: «من أول الترم لحد رمضان في اختيار التصميم، ومن بداية رمضان استقرينا على الديزاين النهائي اللي اتنفذ، وقعدنا نعدل لحد ما وصلنا للفكرة اللي في دماغنا وبدأنا ننفذ بعد العيد علطول ونعدل على القماش وبعد ما عملنا القصات وخلصنا وصورنا السيشنز قبل العيد الكبير بيومين».

استلهام الفكرة من الطبيعة 

جاءتهم الفكرة من الطبيعة والأحجار الكريمة التي يخرج الكثير منها من البحار، لتصميم فساتين مناسبة للبيئة: «اختارنا الفكرة من الأحجار الكريمة، نفذنا الفستان بشكل احترافي بإمكانيات قليلة؛ لأن المكون الأول كان الحجر نفسه وهو غال جدًا، غير أن من خارج شكله صلب ومفيش أي شكل له غير لما يتفتح من الداخل، وبدأنا نشتغل على الشكل الداخلي للحجر عشان يبرز التفاصيل». 

بعد الاستقرار على شكل الحجر الداخلي جاءت مرحلة القماش والتي أتت بعد تفكير طويل في الاستدامة وتصميم ملائم للبيئة: «تاني حاجة اعتمدنا على فكرة الاستدامة علشان كدا استخدمنا بقايا القماش اللي ساعدنا إننا نقلل الهالك لأن اللي بيفضل من تصميم الفساتين من قماش بيتحرق بيعمل تلوث للجو وبيوظ البيئة، وفي براندات كتير لما في بواقي القماش اللي فاضل من التصاميم بيرموها أو يحرقوها حاجات كتير ممكن تضر بالبيئة ومن هنا كانت فكرة المشروع إننا من بواقي القماش دا ممكن نعمل كوليكشن جديد وتصاميم مختلفة».

استقر الفريق على التصميم النهائي وجمعوا الماتريال وجاءت مرحلة شكل التصميم: «حاولنا نبرز شكل الحجر من برة القماش عملنا بليسسيه بأشكال وأحجام معينه في الخارج بينسقوا الفستان بطرق متقدمة هنا عشان الإمكانيات عملنا بطرق تقليدية جدًا بشكل يدوي، جبنا ورق أبيض عادي متماسك عملنا منه الشكل اللي عايزينه عشان نقارن السُمك اللي عايزينه ووضعنا القماش في مياه وعشان نبرز الفكرة اللي عايزينها حرقنا بواقي القماش، بعد تحويل القماش لـ بليسسيه بدأنا نشكل أجزائه على شكل الحجر اللي إحنا واخدين منه وبدأنا نجرب تداخلات كتيرة عشان نقرر الشكل عامل إزاي ثبتناه كله يدوي بالخيط والإبرة، واستخدمنا الأحجار أغلبها أحجار كريمة وفي منها عادي علشان بتكون غالية جدًا»، عندما انتهى الفريق من تصميم الفساتين وصلت بهن التكلفة لـ8 آلاف جنيه للفستان الواحد.