كتب: أمنية شريف -
08:30 م | الأحد 18 يونيو 2023
صورة ممزوجة بالدفء والحب، ضجت بها مواقع التواصل الاجتماعي، بطلها شاب يرتدي «تيشيرت» مطبوعًا عليه صورة أعين خطيبته، تجسد طبيعة العلاقة بين الحبيبة وشريك الحياة، وتوثق لحظات الفرح الممزوجة بالحنان، إذ ظهرا فيها والضحكات تملأ وجوههما في حب وامتنان، ورغم كونه تصرفًا تلقائيًا، إلا أن كواليسه كانت تحمل بين طياتها قصة حب حقيقية منذ نعومة الأظافر، جعلها محط أنظار الجميع.
«أنا الدنيا كلها في عينيه، وبيشوف بعينيا الدنيا»، كلمات بسيطة عبرت عن معنى حب كبير بين الثنائي إبراهيم وياسمين، إذ روت لـ«هُن» كواليس الصورة: «احنا بنحب بعض من واحنا في إعدادي، من 8 سنين، لأنه ابن الجيران وبعد صعوبات ومشكلات كثير اتخطبنا ومكانش مصدق، ففكر يفرحني وطبع لي الصورة بالاتفاق مع أختي».
الحب ينشأ ويشتعل في لحظة لم تكن بالحسبان، فلا يدري المحب في أي ساعة تحديدًا انصهر بداخل الآخر: «قصة حبنا من الطفولة، كان جاري عرفت معاه أولى خطوات الحياة من اللعب والمذاكرة والنضوج، كبرنا وطلعنا مع بعض من واحنا صغيرين، كان بيحول لحظات حزني وخوفي لفرح، محستش يوم بوجع بسببه».
وفي صورة كلها حب واحتواء، جسد إبراهيم عينيها وطبع صورتهما على «تيشيرت»، ليحتفظ به، وأظهر عمق العلاقة بين الحبيبين، ووجهت رسالة إليه قائلة: «اتربينا سوا، كل المواقف وكل حاجة فيك جميلة، مفيش رجل عمل زيك، عازرني والحلو اللي ليا ربنا يحفظنا وييسر لنا الحال».