سجل اللاعب محمد عبد المنعم، هدف الأهلي الأول في شباك الوداد المغربي، خلال المواجهة المقامة بينهما على أرضية استاد محمد الخامس بالدار البيضاء، في إياب نهائي مسابقة دوري أبطال أفريقيا، وهو الهدف الذي استطاع به المارد الأحمر تحقيق اللقب، وفي السطور التالية، نكشف علاقة «عبد المنعم» بعائلته.

قال لاعب الأهلي محمد عبد المنعم، خلال لقاء سابق له عبر قناة أون إيه في برنامج ملعب «أون تايم» متحدثا عن علاقته بعائلته: «باخد رأي والدي ووالدتي في كل مكان وكل حاجة، وهما عاوزني دايمًا أكون في الأهلي، وبيقولوا لي المهم تشد حيلك وتشتغل كويس، بإذن الله أقدم كل حاجة أفضل ليهم، وإخواتي كمان تعبوا كانوا بيجوا معايا وبيسيبوا جامعتهم ويوصلوني وأنا صغير، كل فرد من عائلتي تعب جدًا معايا، بشكرهم وبقدم لهم كل حاجة، هما سند ليا وواقفين في ضهري وياريت أقدر أعوضهم عن 1% من تعبهم».

علاقة لاعب الأهلي محمد عبد المنعم بعائلته

واستكمل محمد عبد المنعم حديثه عن حبه لهم: «أنا علاقتي بوالدي ووالدتي لا توصف، حتى والدي لما اتعرض لحادثة قربت منه، وهو بياخد كل القرارات معايا، عمري ما خدت رأي منهم وطلع غلط، وبيشجعني على حاجة، أنا بجتهد بسبب أهلي، وهما تعبوا معايا، فأنا مدين ليهم، حتى عربيتي أهلي هم إللي اختاروها، يارب أكون سبب سعادتهم على طول، والخير معاهم ده بيكون سبب النجاح».