رغم التزام البلوجر نعمة حسنين، الصمت لأسابيع بعدما تصدرت محركات البحث عبر مواقع التواصل الاجتماعي، فور إعلان زواجها من شاب يدعى سيد القاضي، زعم الرواد أنه زوج صديقتها، والذي بالفعل لديه أسرة مكونة من زوجة وطفلين، وأنه في انتظار مولوده الثالث، عادت "نعمة" من جديد، لتفتح قضية زواجها، أمس، عبر حسابها الرسمي على تطبيق تبادل الصور والفيديوهات "إنستجرام".

واليوم، شاركت "نعمة" صورة لها عبر إنستجرام، مرفقةً برسالة لمنتقديها وأيضا لمن ساندوها: "السوشيال ميديا بقت عبارة عن مكان للكشف عن أسرار الناس وتتبع عوراتهم والخوض فيها واقتحام حرمه البيوت والإساءة عن جهل والغيبة والنميمة، مش مكان للتعبير عن الرأي والرأي الآخر أبداً".

وتابعت: "ده اللي بقيتوا تسموه "تريند"، أنا خصيمة أي حد أساء ليا عن جهل، يوم القيامة".

وتوجهت بالشكر لكل من ساندها في محنتها: "وبشكر كل شخص رد غيبتي وقدر يفهم المعني الحقيقي لـ"من حسن إسلام المرء تركه ما لا يعنيه".

وخرجت أمس، البلوجر نعمة حسنين، خلال منشور دونته عبر حسابها على فيس بوك، توضح من خلاله حقيقة زواجها والمعلومات والحقائق الصحيحة له.

مش صاحبتي ولا أنا خطافة رجالة وتزوجت على سنه الله ورسوله

وقالت نعمة حسنين: "جو إني خطفت حد من حد ده كدب، الموضوع من قبل ما يتفتح معايا أنا شخصيا كان بعلمها وموافقتها أولا، ونقطة إنها صاحبتي دي كمان تأليف، وأغلبية الناس اللي متابعاني عارفة صحابي بالظبط، وأنا معملتش حاجة غير إني اتزوجت على سنة الله ورسوله، قبل شهر رمضان بأسبوع، وحتى ما أعلنتش عن أي تفاصيل وقت الخطوبة ولا كتب الكتاب ولا حتى الفرح، ولا أي خطوات حصلت في الموضوع غير لأقرب الأقربين، وده بسبب ظروف البلد اللي كانت غير مستقرة، ولأنها ببساطه شديدة حياتنا إحنا".

نعمة: مسحت الصورة احترامًا لمشاعر الزوجة الأولى ولنفسيتي

وأوضحت نعمة: "لما بدأت أشوف كومنتس سلبية على الصورة اللي نزلت وشتايم حتى مش عليا لوحدي ده كمان على الزوجة الأولى مسحت الصورة احتراماً لمشاعرها ولنفسيتي لأني اكتشفت ان الناس كده كده مش هتسيبك في حالك لمجرد إن المسألة كانت مسألة "تعدد"، ولإنك عملتي حاجة عكس اقتناعهم، وبعدها زاد الكلام وكله بقى يعلي على التاني، واللي قال ‘ني تزوجته عشان الفلوس واللي قعد يجيب في اسكرينات قديمة من شهور طويلة لمجرد انه يجرح فينا وكان منها الحقيقي ومنها الفيك".

واستطردت، "واللي بدأ ينشر صور ليا بشعري كنت مسحتها بعد ما ربنا أكرمني بالحجاب، واللي طعن وقال دي عملت كده للشهرة، وكله بقى يزايد على التاني في سبيل إيذاء أسرة قاعدة في حالها، لحد ما نزل سيشن لينا احنا التلاتة".