الأسنان من مظاهر جمال المرأة، لذلك تلجأ العديد من السيدات إلى تبييض أسنانهن في عيادات التجميل، الشيف منار هشام، نشرت على صفحتها على موقع "فيس بوك" وصفة جربتها وأكدت فاعليتها في تبييض الأسنان.

الوصفة التي وضعتها منار مكونة من الفحم واللمون، حيث قامت بتفتيت قطعة صغيرة من الفحم، وعصرت عليها شريحتان من الليمون، ثم قامت بتقليبهم، وغسلت أسنانها بهذا الخليط باستخدام فرشاة الأسنان.

منار نصحت متابعيها باستخدام تلك الوصفة من مرتين إلى ثلاثة شهريا، وقالت: "من أول دقيقه هتحسوا بفرق".

رغم أن الوصفة لاقت اهتمام كبير من متابعيها الذين تعدى عددهم أكثر من ربع مليون متابع، إلا أن أحد طبيبات الأسنان ألفت إبراهيم، رفضت الوصفة وكتبت: "الوصفة دي مدمرة للأسنان حتى لو كل أسبوعين، الليمون ده حامض وأي حامض بشكل مباشر وضعه على الأسنان بيخليها تتأكل ويضعفها وبتبقي حساسة دي حاجة مشهورة ف طب الأسنان اسمها erosion اما اللفحم بقى مشكلة تانية ده ممكن يدخل في اللثة ويعمل خراج وألام فظيعة مشكلة الوصفات دي إنكم بتفتكروا إنها طبيعية فمش مضرة، ومع تكرار الاستعمال مأساة ده مجرد شرب عصير برتقال أو ليمون كتير يعمل حساسية وخسارة في مينا الأسنان ما بال الحك الجامد، ده أرجوكم بلاش، البديل إنك تروحي لطبيب الأسنان تقوليله عاوزه اعمل polishing وده بيكون بالكتير كل 3 شهور أو تعملي bleaching الفحم ده أصلا مضر للثة ولو اتبلع مشكله تانية".