كتب: آية أشرف -
09:13 م | الأحد 13 أغسطس 2023
«إيهاب مكنش بس جوزي ولا عشرة عمري كان أبويا وأخويا وابني أنا اتجوزته وأنا صغيرة، زمان في جيلنا كانت البنات بتتجوز صغيرة، وزي ما كتبت لكم أنا عشت معاه أكتر ما عشت في بيت أبويا».. بهذه الكلمات نعت الشيف هالة فهمي، زوجها الذي رحل عن عالمنا منذ عدة أيام في أول ظهور تليفزيوني لها عقب رحيله.
انهيار ودموع فقدت الشيف هالة فهمي السيطرة عليها، إذ بدأت تنعاه بكلمات مؤثرة، مؤكدة أنها رافقته رحلة طويلة، أكثر من تواجدها بمنزل أسرتها، واصفة رحيله بـ«دوقت طعم المرار».
وتوفي زوج الشيف هالة فهمي، بعد صراع مع المرض الخبيث، الذي كشفت عنه الشيف تحديدًا في 31 يوليو، قبل رحيله يوم 4 أغسطس عقب أربعة أيام من كشفها عن معاناة زوجها، إذ نشرت صورته ودونت عليها: «ربي إن زوجي قد مسه الضر وأنت أرحم الراحمين أرجوكم ادعوا له، مريض سرطان»، وذلك عقب ساعات من تدوينها عدة تفاصيل بشأن المرض الذي هاجم زوجها، وقت استغاثتها بطبيب أورام، مدونة: «محتاجة استشاري أمراض دم وأورام وزرع نخاع ييجي البيت فورا».
وكان الدكتور خالد أبو العينين، مدير المعهد القومي للأورام، كشف لـ«هُن»، تفاصيل مرض سرطان الدم والنخاع، مؤكدًا أنه يحتاج للعلاج الكيماوي، وحال عدم الاستجابة قد يكون الأمل الوحيد هو زراعة النخاع من أحد أقارب المريض من الدرجة الأولى، مع المتابعة لسنوات حتى لا يرتد المرض من جديد.
ونعت بالدموع الشيف هالة فهمي زوجها، قائلة: «لما أبويا مات محستش بالإحساس اللي حساه دلوقتي، وحتى أمي لما ماتت زعلت طبعا وحزنت، لكن الزعل والحزن على أمي وأبويا غير اللي أنا حساه دلوقتي، عارفين الجملة اللي بتتقال كده، أنا دوقت طعم المرار، أنا فعلا الفترة اللي فاتت دي أنا حاسة بمرار والوقت طعمه المرار حتى بوق المية طعمه مر حاسة إني لوحدي رغم كل الناس اللي حواليا».
واستطردت حديثها بصوت غمرته الدموع، قائلة: «أول مرة أطلع حلقة وهو مش قاعد دلوقتي بيتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي، كان يركز وقت البرنامج، والساعة 12 يشاورلهم ويطلب منهم يفتحوا التليفزيون، ومتعودة إني أول ما أخلص الحلقة جري عليه ونحكي أقوله على كل حاجة».
واختتمت الشيف نعيها: «هو الونيس وهو عشرة العمر وحبيب العمر، هتقولولي هو في مكان أحسن، وأرتاح.. ربنا يجعل كل الألم اللي كان فيه شفيع ليه وفي ميزان حسناته، عشرة عمري».
