كتب: منة العشماوي -
06:03 ص | الإثنين 14 فبراير 2022
ابتكارات هدايا عيد الحب لا تنتهي مع كل عام، ولكن دائما يبقى الورد له رونقه الخاص، إذ يحرص الكثيرون على شرائه وإهدائه للطرف الآخر، ويعملون على تقديمه سواء بمفرده أو مع هدية أخرى.
وداخل أحد المحال الشهيرة بمصر الجديدة، وتحديدا في منطقة عمارات العبور بشارع صلاح سالم، سرد محمد علي صاحب بائع الورد، أحدث تقليعات هذا العام 2022 في عيد الحب، لافتا إلى أنه يضع مع الزهور الفواكه مثل الفراولة والكيوي والأناناس والعنب، وكذلك التفاح بألوانه المختلفة وغيره.
قرر صاحب المحل هذا العام الخروج عن المألوف، من خلال إعداد بوكيه ورد أو زهرية مليئة بالزهور والملبن أو المارشميلو أو الشوكولاتة، قائلا في حديثه مع «هن»: «الناس بتحب التجديد طول الوقت، والورد مبقاش زي زمان عليه الطلب بشكل كبير خاصة بعد كورونا، عشان كده لازم ندخل فيه حاجات جديدة تجذب الناس ونرجعه تاني، وفي الأول وفي الآخر الحاجات المبتكرة مطلوبة دايما».
«طريقة التغليف دلوقتي بقت مهمة أوي».. هكذا وصف بائع الورد أهمية التغليف في عام 2022، وأنه يحرص على إظهار شكل فني ولا يعتمد على الطرق التقليدية إلا إذا كان ذلك هو طلب العميل: «يعني ممكن أعمل الورد في بوكس أو فازة أو ورق ملون عليه أشكال مختلفة وغيره».
أما عن أسعار الزهور، شرح «محمد» أن المبلغ يكون حسب رغبة الشخص، أي هو الذي يتحكم في ذلك، موضحا: «اللي عايز يشتري وردة بس يقدر، واللي عايز يشتري بوكيه كبير برده يعرف، والحاجات الحلوة تبدأ من 100 جنيه، لحد ما الواحد عايز بقى، والموضوع بيختلف حسب نوع الورد كمان واللي هيتحط معاه».
