عدد من النصائح وجهتها الإعلامية رضوى الشربيني، خلال برنامجها «هي وبس»، على شاشة «سي بي سي سفرة»، للفتيات «السنجل»؛ للعمل بها في عيد الحب، الذي يحتفل به العالم في يم 14 فبراير من كل عام.

نصائح رضوى الشربيني للفتيات في عيد الحب 

وفندت «رضوى» تلك النصائح في إبراز إيجابيات حياة العزوبية للفتيات، على النحو التالي:

- عدم شعور الفتاة بأي نوع من أنواع الضغط النفسي، «مش هتقعدي تفكري، بيحبني ولا مابيحبنيش، ولا بيهتم ولا مابيهتمش، ولا رد ولا ماردش، أنتي بتعيشي في سلام نفسي».

- الابتعاد عن المشكلات والنكد، «مفيش نكد ولا دراما ولا خناقة، مفيش بقى يقولك لبسك ضيق ولا شعرك باين من برة الطرحة».

- الابتعاد عن المقارنات مع العلاقات الأخرى، «أنتي قاعدة برنسيسة».

- تلك الفترة هي الأكثر نجاحًا لجني الأموال، «أكتر وقت هتعرفي تعملي فيه فلوس وأنتي سنجل».

الفتاة صاحبة قرارها

- الفتاة صاحبة قرارها، «عايزة تنزل من البيت هتنزل، عايزة تقعد هتقعد».

- ستتمكن الفتاة من سهولة اختيار شريك حياتها فيما بعد، «هتحطي رِجل على رِجل، وتتفرجي على المتجوزة وهي بتتخانق مع زوجها، فلما تيجي تختاري هتعرفي تختاري».

- فترة العزوبية هي الفترة التي ستحب فيها الفتاة نفسها بشكل كبير، فضلًا عن اعتنائها الشخصي بذاتها، «هتعرفي تحطي ماسكات على وشك وتعملي شعرك، وهتبقي بعيدة عن إن شخص ينتقدك إنك شخص مش نضيف».

- ستتمكن الفتاة من تحقيق طموحاتها.

رضوى الشربيني تحذر «البنات السناجل» من الارتباط في الشتاء

وفي تصريحات سابقة لها، حذرت رضوى الشربيني الفتيات من الارتباط في الشتاء، قائلة: «احذري تغير الهرمونات، اتبعتلنا رسائل كتير أوي، أغلبها عن الوحدة والاكتئاب والضيق المستمر، منها: جالي عريس وبفكر أتجوزه، لو أنتي حاسة بوحدة، اتصرفي من غير ما تروحي تعرفي أي راجل والسلام، اشتغلي أو اعملي حمام كريم لشعرك أو بشرتك أو ضوافرك، اعملي أي حاجة غير أنك تختاري غلط»، ناصحة الفتيات بخصوص فصل الشتاء وتغير الهرمونات: «عدوا الشتاء هما كلها شهرين، وابتدي شوفي حد كويس ترتبطي بيه على شهر فبراير».