بعد أيام من نشر«الوطن» موضوعا عن حالة الطفل علاء هيثم علاء الدين، 4 أعوام، من منطقة «بشتيل» بالجيزة والمصاب بمرض ضمور العضلات الدوشيني الذي سبب له إعاقة حركية، استجابت هيئة «التأمين الصحي» بوزارة الصحة لاستغاثة الأب الذي طلب علاج نجله لعدم مقدرته المادية.

تفاصيل استجابة التأمين الصحي لحالة «علاء»

نشرت بوابة «الوطن» قصة حالة الطفل «علاء» تحت عنوان: مرض نادر يهدد حياة الطفل علاء.. ووالده يستغيث: ابني هيموت مني ومش معايا أسفره، وبعدها بأيام قليلة، تواصلت هيئة التأمين الصحي مع هيثم علاء الدين والد «علاء»، لجمع البيانات الخاصة به، ثم طالبه مسؤولو التأمين الصحي، بسرعة التوجه إلى التأمين الصحي في الجيزة، يقول الأب: «اتصلوا بيا من التأمين الصحي، وقالوا تعالى افتح ملف لابنك مع لجنة الضمور علشان يتسجل ولو نزل علاج يبقى موجود اسمه».

وأكمل الأب خلال حديثه لـ«الوطن»: «طلبت منهم أعمل تحليل چيني على نفقة التأمين الصحي والحمد لله وافقوا والمفروض بكرة إن شاء الله هطلع على مكتب التأمين الصحي، اللي أنا تابع له في الجيزة وهآخد ورقة للمركز اللي هعمل فيه التحليل».

قصة مرض «علاء» النادر

الطفل «علاء» كان أصيب بالمرض النادر - ضمور العضلات الدوشيني- الذي حرمه من الحركة، وتحدث عن الأب معاناة ابنه، قائلًا: «علاء ماشيته فيها عرجه لما بيجري بتبان وبيلاقي صعوبة إنه يقوم من مكانه، لما لقيته بيشتكي من رجله روحت المستشفى يكتبوله مقويات مكنتش أعرف إن حالته خطيرة بالشكل ده، لما بيقوم من النوم وبيطلع على السلم بيصوت من الألم، روحت مستشفيات كتير، قالولي عنده مرض نادر والدكتور كاتبلي 3 أدوية الواحد منهم بـ5 ملايين جنيه، هجيب منين المبلغ ده، ابني بيضيع مني، محتاج يتعالج ويسافر بره، وأنا مفيش في إيدي حاجة أعملها له».