"حياتي من غيرها ملهاش معنى خايف تموت وتسبني"، استغاثة تقدم بها محمد أمين، 55 عامًا، إلى مكتب الشكاوى بفرع المجلس القومي للمرأة في الشرقية، لإنقاذ زوجته سوسن عبد الملك، صاحبة الـ 50 عامًا، والتي أصيبت بمرض مناعي في المخ.

خوف الرجل من فقدان زوجته الوحيدة جعله يبيع كل ما يملك لتوفير علاج لها، ويقول في الشكوى، "أنا بشتغل مراقب أمن متعاقد بمنطقة آثار الإسماعلية وعلاج مراتي غالي أوي بيعت كل حاجة عندي علشان أعرف أوفره ليها وبرضه معرفتش لأن ثمن الحقنة الواحدة 1700 جنيه".

قطع الرجل الخمسينى رحلة طويلة من الشرقية إلى القاهرة بحثا عن جهات توفر له العلاج مجانا لزوجته، ويضيف، "كعب داير على مختلف الجهات مفيش حد إلا لما استلفت منه فلوس شهر أجيب الحقن وشهر معرفش وكل ده مش فارق معايا أهم حاجة أوفر لمراتي العلاج الدائم مش عايز حاجة تانية غير كده".

تمكن الرجل من الحصول على قرار رسمي بصرف الحقن من إحدى المستشفيات الجامعية ولكنها رفضت ذلك دون مبرر.