أثار مطرب المهرجانات الشعبية المعروف باسم "حمو بيكا" جدلا واسعا على مواقع التواصل الاجتماعي، بسبب إلغاء حفله في الإسكندرية، وأزمته مع نظيره مجدي شطة. 

ومؤخرًا تم فض التجمع الخاص بحفل المطرب الشعبي «حمو بيكا»، أثناء إقامته حفلا في أحد الكافيهات الخاصة المطلة على البحر بمنطقة البيطاش، غرب المدينة؛ لعدم حصوله على تصريح أمني بإقامة الحفل، إضافة إلى أنه غير مدرج بنقابة المهن الموسيقية.

وأكد مصدر أمني بمديرية أمن الإسكندرية، لـ"الوطن"، أنَّه لا بد من استخراج تصريح أمني، إضافة إلى أن المطرب لابد أن يكون مسجلا في نقابة المهن الموسيقية، لإقامة الحفل، وفي حالة عدم الحصول على ذلك، فيعتبر مخالفا للقوانين.

من جانبه علق الأخير "بيكا" على الواقعة عبر حسابه الشخصي على "فيسبوك" قائلًا، "أنا كل اللي أنا عملتو إن كنت عايز أفرحكو وبعد مفرحتكم أنا اتأزيت ياريت كل الشباب والبنات الي كانت حاضرة ترد ف التعليقات وتقول كلمة حق ".

وتابع، "لو مش عايزني أغني تاني أنا مش هغني وكل اللي بيحبني يعمل هشتاج #أدعم_بيكا وأنا قدام فرحتكم مفيش أي حاجة مزعلاني".

المنشور، الذي تداوله العديد من الرواد، خاصة بعض المجموعات السرية الخاصة بالفتيات، اللاتي قررن دعم المطرب الشعبي، فقالت آية أحمد، "معلش يعني هو أها فن غير راقٍ وكل حاجة بس هترقصوا علي إيه في الافراح وهنهيص إزاي اما يمنعوه، ماحنا بنرقص على مهرجانات".

بينم ردت وصال بسيوني، قائلة، "مهما كنا متفقين أو مختلفين في سماع الأغانى دي بس فى كتير منهم أوكا وأورتيجا وغيرهم كتير اشمعنا حمو بقى ولا عشان هو سمع و اتشهر".

وتابعت، "لو ركزنا في كلمات بعض الأغاني هتلاقي فيها نصيحة وعرف يوصلها بطريقته".

وأضافت ميرنا محمود: "صعبان عليا والله بغض النظرعن اللي بيقدمه بس هو فعلا كان عايز يفرح الناس".

وردت جسي ياسر قائلة: "إزاي مفيش حمو بيكا تاني، دي حاجة تزعل".