كافيه البنات
كتالوج الحياة

هو أنا إمتى هابقى سعيد ومبسوط؟

إزاي أبقى سعيد ومبسوط؟

الله شكله مبسوط ربنا يسعده..

اتبسطي؟

دي كلها أسئلة كونية لو مسألناهاش كل يوم لحد، فإحنا أكيد بنسألها لنفسنا كل لحظة..

وطول الوقت بندور عليها.. بندور على السعادة والانبساط..

فيه ناس شايفاها في الفلوس.. وناس شايفاها في الحب.. وناس شايفاها في الأكل.. وناس شايفاها في الرضا..

تعددت الرؤيا والهدف واحد.. سعادة وانبساط وراحة بال..

وهنا لازم نفتح الكتالوج اللي فيه هنلاقي الخلاصة.. السعادة قرار.. قرارك إنت.. إنت اللي بتصنع سعادتك وتقرر إمتى تبقى سعيد وبإيه..

السعادة عادة.. قرر تبقى سعيد ومبسوط وعود نفسك على القرار ده.. هتعرف تخلق سعادتك في أي وقت وأي مكان ومن أي حاجة..

وأهم حاجة ركز عليها الكاتالوج.. اوعى تربط سعادتك بحد.. دي من أصعب الحاجات اللي ممكن تعرض نفسك ليها.. لأنها هتبقى سعادة مزيفة ومؤقتة.. وممكن الإنسان اللي هو مصدر سعادتك النهارده.. يتحول هو هو نفسه لمصدر نكدك واكتئابك..

خليك إنت مصدر البهجة والسعادة.. خليك إنت ويلي ونكا صاحب مصنع الشوكولاتة.

الكلمات الدالة

أخبار قد تعجبك