حالة من الفرحة سيطرت على لاعبي المنتخب الوطني والجماهير المصرية بعد تأهل المنتخب عقب التعادل مع نظيره كاب فيردي «الرأس الأخضر» أمس، في مباراة شهدت 4 أهداف، هدفان لكل فريق.

ومن الفرحة بالتأهل للحديث عن قائد المنتخب محمد صلاح الذي لم يشارك بالمباراة إثر الإصابة، ولكنه تواجد لمؤازرة زملائه في المنتخب قبل عودته إلى ليفربول للعلاج، وهو تسبب في انقسام الجماهير حول تصرف «صلاح»، لكن شقيقته «رباب» خرجت لتكشف كواليس ما حدث عبر حسابها على «فيسبوك».

شقيقة محمد صلاح تكشف ما فعله بمباراة التأهل

وعلقت شقيقة محمد صلاح على ما فعله خلال التأكد من هدف المنتخب بتقنية الـvar، إذ ظهر وهو يمسك بهاتفه ورصدته الكاميرات عدة مرات، مدونة: «في لقطة حلوة أوي في الماتش لما كان الـvar بيراجع الهدف التاني لمصطفى محمد وشوفت صلاح وهو ماسك الموبايل بيراجع الهدف ويتأكد هو لمسة يد ولا لا وقلقان وبيراجعها مرة واتنين على الموبايل وكان بيحاول يطمن اللي حواليه إنه لا متقلقوش مش هيتلغي مش لمسة يد».

وتابعت شقيقة اللاعب مدافعة عنه: «أولًا محمد مش من النوع اللي طول ما هو قاعد ماسك موبايله ولما يبقى قاعد وفي ايده الموبايل دا معناه انه كان مجهز نفسه انه ممكن يحتاج يراجع حاجة في الماتش، وكمان إنه يطمن اللي حواليه دا معناه إنه قائد ومسؤول وهو دا محمد اللي نعرفه إنه مصدر اطمئنان للي حواليه وشوفت في اللقطة دي حد قادر يتحمل المسئولية بجد، والسؤال بقا مين الشخص اللي بيجلدوا فيه بقالهم يومين!؟». 

من هي شقيقة محمد صلاح؟

- اسمها رباب صلاح، وأم لطفلتين وولد.

- تمتلك علامة تجارية لتصميم وتصنيع ملابس المحجبات. 

- رفضت استغلال شهرة واسم شقيقها لتسويق منتجاتها.

- اعتادت الظهور مع محمد صلاح في كل الإجازات والعطلات.