لا يزال رواد مواقع التواصل الاجتماعي، يتداولون صور الأم الشابة كارولين منتصر، التي رحلت مؤخرًا بعد وضعها مولودها الثاني بـ11 يوما، فبين اللحظة والأخرى تحول آخر منشور للفقيدة لدفتر عزاء إذ رحلت عقب ساعات من تفاعلها مع أصدقائها وأقاربها بشكل مفاجئ تاركة طفلين، بحسب حديث أصدقاؤها لـ«هُن».

انهيار زوج كارولين منتصر في أول تعليق له بعد وفاتها

وانهار رامز مراد، زوج كارولين منتصر، في أول تعليق له عقب يومين من رحيلها عنه، معربًا عن عدم قدرته على الحديث أو التعبير، مدونا: «مش هعرف اتكلم معاكي تاني غير إني أتكلم مع نفسي وأنت تسمعيني مش هعرف بس أعرف أعمل أكتر حاجه أنت بتحبيها إن انزلك بوستات وأنت تفرحي بيها وتيجي آخر اليوم وأنت جنبي تقوليلي فرحت باللي نزلتهولي وأقول أي خدعة عشان تعرفي بحبك قد إيه بس تقريبا كدة أنت مكنتش قادرة تفهمي ولا تستوعبي أنا بحبك قد إيه مكنتيش متخيلة مثلا ان قلبي كان معاكي أنت».

مشاعر بين الحسرة والحب، امتزجت بكلمات زوج كارولين منتصر وهو يرثيها: «حب الدنيا كله ميسواش حتة من ضافرك وجوايا كلام كتير ليكي كلام كتير عتاب وزعل وفرح وحب وحاجات كتير جوايا محدش حاسس بيها ليكي محدش عارف ولا حاسس بيا غيرك ولا عمر حد غيرك يقطعني يا أمي أنا قطعتي بيا ليه مش عايز منك حاجه غير إنك ترد عليا وتقوليلي أنك مبسوطة ومرتاحة وأنا والله والله والله ما هقول ولا هعترض أنك مبسوطة بس اطمن عليكي تعالي طبطبي عليا وامشي تعالي قوليلي إنك جنبي إنك في حضني أنت ادتيني خبطة في دماغي وقلبي يا كركر طب ولبس جيانو اللي كنا نازلين نجيبه وحاجة السبوع أنا عارف إني أناني ومجبتش سيرة عيالك بس عشان أنت عارفه إنهم معايا فمطمنة بس أنت سيبتهم معايا وسيبتيني طب ما أنتي اللي بتقويني».

رجاء مستحيل تمناه الزوج المكلوم في نهاية حديثه، قائلًا: «أنا كله سابني وقاعد في بيتنا لوحدي لوحدي يا كركر بخش الأوضة مش بلاقيكي طبطبي عليا يا حبيبتي أبوس إيدك ارجعيلي»

كارولين منتصر تودع متابعيها برسالة مؤثرة

وكانت آخر ما دونته الفقيدة، كارولين منتصر، كلمات مؤثرة عبر حسابها الشخصي على موقع التواصل الاجتماعي فيس بوك، تبدو وكأنها وداع لأصدقائها وأبنائها وزوجها، إذ دونت قبل ساعات من وفاتها، قائلة: «وفي آخر كل يوم، أنتي أم مقصرة، وصديقة مشغولة، وأخت بعيدة، وموظفة مش شاطرة، وزوجة عصبية، وبنت عاقة، ومبنعجبش حد، وياريت حتى بنلاقي وقت لنفسنا».