مر على رحيله قرابة الـ7 سنوات لكن لم يرحل الحب لحظة من قلب زوجته الفنانة سميرة عبدالعزيز، التي تذكرت زوجها والدموع تغمر عينيها قائلة «أنا عايشة على حسك، وفي كل وقت صورته قدامي»، وهي الرسالة التي وجهتها لزوجها الكاتب محفوظ عبدالرحمن خلال تواجدها في برنامج «الستات ميعرفوش يكدبوا» المذاع عبر فضائية «CBC»، وخلال سرد الذكريات تعددت المواقف التي أبكتها تارة ورسمت على وجهها ابتسامة حب وشوق تارة أخرى.

سميرة عبد العزيز تتحدث عن زوجها في ذكرى رحيله

وذكرت الفنانة سميرة عبد العزيز زوجها الراحل الكاتب محفوظ عبدالرحمن بعيون باكية، لتقول له في رسالة مؤثرة:«يا حبيبي وحشتني أوي، أنا عايشة بحسك معايا، كل يوم بقراله سورة في القرآن على روحه، وربنا يرحمه دا أمر ربنا، لازم كلنا نخضع له، وحشني أوي وصوره معايا في كل حته، حبه في قلبي والمكان اللي بشتغل فيه صورته قدامي علطول».

مواقف الغيرة والحب بينهما

كان الزوج حنونًا عليها، فلم يكن الخصام يطول أو حتى الغضب من المواقف البسيطة، لتروي سميرة عبد العزيز موقفًا حدث بينها وبين زوجها عن الغيرة ومحاولتها مصالحته قائلة:«حصل موقف بينا بسبب التصوير، مفروض عارفة أني رايحة وهرجع الساعة 8، والحجز كان للوقت دا، ولما روحت التصوير المعاد اتغير لـ12، زعل وقعد استنى من وقتها قولت له غيروا المعاد من غير ما أعرف، قولت له حقك عليا قالي طب ما اتصلتيش ليه؟، قولت له كنت داخل الاستديو مقدرش اتكلم حقك عليا، واعتذرت له وأبوس في رأسه عشان مقدرش أزعله، وهو قدر قال ما هو شغل دلوقتي زي الزفت، ولحد دلوقتي عايشه بتعليماته، بنته اتربت على أيدي وكبرت على أيدي، وحبيبة بنتي جدا، بتصل بيها علطول لما اتجوزت هولندي بعد ما أسلم واخدها يعيشوا في انجلترا، وكان تعليماته النص المحترم اللي يقدم قيمة وفي صالح المجتمع»