المشروبات والأكلات التي تهدئ الأعصاب، محل اهتمام كثير من الأسر ليلة الأمتحان، بسبب القلق والتوتر السائد، والأجواء المشحونة بالخوف والحماس، لذا هناك مجموعة مشروبات لتهدئة الأعصاب، ينصح بتقديمها لطلبة الثانوية العامة، منها العصائر مثل الليمون بالنعناع، ومشروبات أخرى لا بد من الابتعاد عنها مثل القهوة والمنبهات، لأنهم في ليلة الامتحان يحتاجون إلى النوم لزيادة التركيز.

5 مشروبات لتهدئة الأعصاب

ونستعرض أشهر5 مشروبات لتهدئة الأعصاب، يحتاجها الطالب قبل امتحانات الثانوية العامة، وفقًا لموقع «healthy»:

- الليمون بالنعناع: من المهدئات الشهيرة للمعدة والجسم بشكل عام.

ـ الكاكاو: من المشروبات التي تساعد على الاسترخاء والهدوء.

ـ الكراوية: المشروب الذى يرخي المعدة ويهدئ جسمك.

ـ المياه بالعسل: عبارة عن كوب من المياه مضاف إليه ملعقة من عسل النحل المعززة للطاقة والمهدئة للجسم.

ـ مشروب الشيكولاتة الدافئة خاصة في الشتاء.

وجبات خفيفة والتمر أساسي

خلال حديثها لـ«هن» وجهت الدكتورة صفاء محمود حمودة، أستاذ مساعد الطب النفسي بطب الأزهر، نصائح للطلاب بأن يقللوا الكافيين والمنبهات والمشروبات، ويناموا وقت كافي: «ميطبقوش لتاني يوم عشان يصحوا تاني يوم ويركزوا والذاكرة تشتغل أحسن، ميقعدوش يضيعوا وقت كبير في السهر ويشتتوا نفسهم في حاجات كتير ملهاش لازمة، وميتكلموش مع أصحابهم اللي بيوتروهم، ويقولوا لهم مذاكرناش سواء النهاردة أو بكرة الصبح».

لا تقتصر النصائح على مشروبات لتهدئة الأعصاب، لكن الأكل كذلك له دورا مهما: «ياكلوا أكلات خفيفة طول فترة الامتحانات، عشان ميضغطوش على القولون العصبي، كل يوم أكل خفيف عشان أعصابهم مشدودة وضاغطة على القولون، بلاش أكل من بره عشان ميبقاش في أي ميكروبات ويدخلوا في نزلات معوية، النوم في درجات حرارة منتظمة عشان مياخدوش دور برد، مينفعش ينزلوا الامتحان من غير فطار، لازم يفطر حاجات بسيطة، وياكل حاجات فيها سكر زي معلقة عسل أو شكولاتة، والبلح خلال اليوم عشان يرفع مستوى السكر لما يقل، يشرب ماية كتير، ويبقى معاهم ماية وقت الامتحان، عشان يقلل التوتر الجسدي عشان ميقلقش ويعطش، ويفقد التركيز وبلاش نوتر نفسنا ونحاول نركز ونتأكد أننا كتبنا كل حاجة، ويبدأوا بالأسهلة السهلة».