قالت الفنانة فادية عبدالغني، إنها تزوجت في سن صغيرة، وتحديدا في عمر الـ18 عاما، في حين تزوجت والدتها في عمر الـ13 عاما، «عندنا سلو بلدنا كده، البنت لو وصلت لـ18 يبقى على بيت جوزها على طول، ولغاية دلوقتي فيه ناس بتتجوز بدري ولكن قلت بسبب الحالة الاقتصادية».

عبدالغني: لو الجواز كويس في سن مبكرة بيبقى الموضوع لطيف

وأضافت عبدالغني خلال تصريحات تليفزيونية، أن الزواج في سن مبكرة ليس بالشيء الجيد، لأن الزواج في فترة مبكرة من الحياة يجعل الشخص يكبر في السن بشكل مبكر ويمرض، إلا إذا كانت الزيجة جيدة، «لو الجواز كان كويس في سن مبكر بيبقى الموضوع لطيف، ولازم البنت تتعلم كويس أوي وتشوف الحياة وتاخد تجربه فيها».

عبدالغني: عمري ما منعت حد من ولادي أنهم يدخلوا مجال التمثيل

وتابعت: «أنا عمري ما منعت حد من ولادي أنهم يدخلوا مجال التمثيل، وبنتي وابني عمرهم ما فكروا يبقوا ممثلين لأنهم ملهمش في الحكاية، وبينتقدوني كويس، ولكن ملهمش في التمثيل، وبنتي سارة مثلت معايا وهي عندها سنة ونص وظهرت في دور ولد، ولما بقى عندها 4 سنين مثلت معايا في سهرة».

وأردفت: «بعد كده لما كنت بقولها تمثل لقيت مش في دماغها الكلام ده، والإشاعات الخاصة بأني رفضت دخول بنتي التمثيل إشاعة مش صحيحة، واتقال أني حلقتلها شعرها علشان ميمثلش، وكل الكلام ده كلام فارغ، وفيه ناس بتتكسب من الكلام الفاضي والشائعات اللي ملهاش لزمة».

وأكدت أنها ومن قبل قد خرجت شائعة تتحدث عن أنها قد فارقت الحياة، وهو الأمر الذي كان خاطئا تماما، «كانوا ناس محترمة أوي وعملولي صوان حلو وصوروه وصوروا الفنانين اللي داخلين يعزوا، وكل ده وأنا قاعدة في بيتي، والشائعات كتيرة للأسف الكتير، وده بيضايق الناس أوي، وبالصدفة بعديها تعبت وجالي كورونا، والإشاعات اللي زي دي بتضايق».