كتب: غادة شعبان -
11:39 ص | الأحد 28 نوفمبر 2021
«برد قارس، وشتاء قاس، وظروف معيشية صعبة للغاية».. أزمات يعيشها سكان المناطق الساحلية رقيقي الحال، تزيد وطأتها كلما سقطت الأمطار واشتد البرد، لكن الشابة الصغيرة «يسرا» حوّلت برد الشتاء إلى «سلام» على بعض الأسر الفقيرة التي تعجز عن شراء أبسط أدوات التدفئة، بعد توزيعها بطاطين عليهم داخل منازلهم لحمايتهم من برد الشتاء.
«في ست بعتتلي قالتلي محتاجة بطانية ولادي سقعانين».. جملة هزّت الشابة يسرا عبدالعزيز، خريجة كلية الآداب قسم إعلام بجامعة الإسكندرية، دفعتها للبحث عن حل لمساعدة الأسر الفقيرة في مواجهة برد الشتاء: «مكانش معايا فلوس أشتري بطاطين، وفكرت إن في ناس كتير محتاجة ومش عارفة توصل لحد، خصوصا بعد النوّة اللي كانت في إسكندرية».
فكرت الشابة في مساعدة الفقراء بـ«بوست» نشرته عبر حسابها على فيس بوك، لجمع مبلغ من المال لمساعدة الفقراء، لكن الاستجابة التي لقيها المنشور كانت مفاجأة، روتها لـ«الوطن»: «عملت بوست على فيس بوك إني عايزة أوزع بطاطين على الناس، لميت 16 ألف جنيه في يومين، وجبت بحوالي 13 ألف بطاطين ووزعناهم على الناس في البيوت، والباقي هعمل بيهم أكل محاشي وأصناف مختلفة وهوزعهم عليهم».
رغم انشغال الشابة في التحضير لعقد قرانها، لكنها فضلت مساعدة غير القادرين بشراء البطاطين وتوزيعها عليهم داخل المنازل والشوارع لمواجهة البرد القارس: «بنشوف ناس كتير عايشين في الشوارع وملهومش بيوت ولا سكن، وقاعدين في البرد ده من غير غطا وبطاطين، واتفاجئت إنّ ناس كتير ساعدت وجمعنا عدد كبير من البطاطين».
وفيما يخص كواليس التوزيع، قالت «يسرا»: «روحت اشتريت البطاطين من شارع العطارين في اسكندرية، وكلمت بنوتة قالتلي في قرية فقيرة جدا اسمها (زرزارة) أهلها محتاجين بطاطين، والناس كانت محتاجة فعلا وظروفهم صعبة وكانوا فرحانين، وفي ناس مكانتش مصدقة، وإن شاء الله بنظبط نعمل لهم وجبات بين الفترة والثانية في الشتاء».
