كتب: أحمد الأمير -
09:14 م | الجمعة 22 أكتوبر 2021
تصدر الدكتور مبروك عطية، الأستاذ بجامعة الأزهر، حديث رواد موقع التواصل الاجتماعي «تويتر» بسبب تصريحاته حول العنف الأسري، حيث دشن العديد من مستخدمي الموقع «هاشتاج» للمطالبة بوقف ظهوره على الشاشات.
وخلال الساعات القليلة الماضية، تداول رواد موقع التدوينات القصيرة «تويتر» «هاشتاج» بعنوان «#اوقفوا_مبروك_عطيه»، وتصدر قائمة الأكثر تداولا على «تويتر»، بسبب وصفه لسيدة تُدعى آية محمد، بأنها «مبالِغَة» بعدما قدمت شكوى ضد زوجها تتهمه بتعذيبها وربطها بـ«الجنزير»، لمدة 20 يومًا، قائلاً: «هناك قاعدة في أن النساء مبالغات في الشكوى».
#اوقفوا_مبروك_عطيه
— Menna'Allah (@XXmennaX) October 22, 2021
انا مصدومه م اللى شوفته
اما دى الشيوخ اللى المفروض تدافع عننا وتعرفنا الصح م الغلط ف الدين ويبقى هما اللى بيبرروا العنف،مين هيقف معانا او يقول ان ده حرام!
هو ده يرضي ربنا و رسوله؟ان انسانه تتهان بالشكل ده والمفروض تسكت؟
وكمان بيقول هتحمل ذنبها لو ماتت
لنا الله https://t.co/LUys0Q3DvZ
وزعم الدكتور مبروك عطية، عندما حل ضيفًا على برنامج «يحدث في مصر»، المذاع على قناة «MBC مصر» مساء الأربعاء، أن عادة السيدات أن يبالغن في شكواهن قائلًا: «هناك قاعدة من يوم ما ربنا خلق العالم لغاية يوم القيامة وهي أن النساء مبالغات في الشكوى، هذه قاعدة لازم نحطها قدام عنينا».
وشكك مبروك عطية، في رواية إحدى السيدات، خلال البرنامج، بعدما وجهت اتهامات لزوجها بتعذيبها، بقولها: «فيه قاعدة بتقول لو الإنسان قام من النوم وضرب زوجته فورًا، أو دخل على البيت وضربها فورًا، فهذا شخص يحتاج مستشفى أمراض عقلية لأنه أكيد عنده مرض» وتابع: «أما الإنسان الطبيعي لا يمكن أن يصل لهذه الدرجة إلا بعد درجة استفزاز قوية جدًا»، وهو الأمر الذي رأى فيه البعض مبررًا للعنف الأسري خاصة أن الزوج يتعاطى المخدرات.
فريق الدين مش في دماغه..و فريق تاني شايف إن الشيوخ و الفقهاء دول نصابين و احنا معانا القرآن و أحاديث البخاري اللي يدخل دماغنا ناخده..فريق تالت شايف إن الأزهر دول شيوخ السلطان وكلامهم جاي من فوق..فريق رابع شايف إن كلام الشيوخ مش قرآن بس لازم نعمل العقل مع الأخذ بكلامهم برضو
— Mohamed Shawky (@MohShawkyCUFE) October 22, 2021
وطالب أستاذ الأزهر الزوجة، بأن تُعين زوجها بالابتعاد عن المخدرات، مضيفا: «منزل الزوجية يبنى على الأسرار، فكيف عرف الناس بأمر ضربها، وخلال اللقاء لفت مبروك عطية إلى أنه لا يوجد ما يبرر الضرب».
على طول بشوف كلامه كوميك مش أكتر بصراحة !! #اوقفوا_مبروك_عطيه
— Nahed (@Nahed_Moo) October 22, 2021
ووجه الداعية الإسلامي سؤالًا للزوجة «مفيهوش حاجة حلوة؟» لترد قائلة إن الزوج لم يبخل عن الأسرة في شراء الطعام، لكنه كان دائم الإهانة ويبصق في وجهها ليرد مبروك عطية: «النساء يبالغن في الشكوى وهي عاشت معاه 6 سنين خلفت منه 3 عيال بالمودة ولا بالكرباج؟ فيه حاجة غلط في القصة، وطالما بيجيب أكل لعياله يبقى عنده قلب».