كتب: يسرا محمود -
10:06 م | الأحد 22 مارس 2020
عقب أيام من إثارتها الجدل بما وصفه متابعيها بـ"الاستهزاء" بفيروس كورونا المستجد، وتصدرها محركات البحث، طلبت المدونة مي الخرسيتي، البقاء في المنزل، خوفا من الإصابة بالمرض الذي بات جائحة عالمية، عبر حسابها الرسمي على موقع تبادل الصور والفيديوهات "إنستجرام".
نشرت "الخرسيتي"، صورة مدون عليها "ابقِ في المنزل" بـ42 لغة مختلفة، مكتفية بتعليق مقتضب: "إذا اشتدت الفتن، فإلزم بيتك"، وأغلقت التعليقات.
تصدرت المدونة المصرية محرك البحث "جوجل"، في 16 مارس الجاري، عقب نشرها مقطع فيديو، بدأت خلاله حديثها: "القرآن بيقول أينما تكونوا يدرككم الموت ولو كنتم في بروج مشيدة.. يعني لو مكتوب لنا ومستخبلنا هنشوفه هنشوفه".
ورأت مي الخرسيتي، أن حالة الخوف المنتشرة حاليًا بسبب فيروس كورونا ما هي إلا بروباجندا أمريكية الصنع: "البروباجندا هنلاقيها جاية من المكان اللي عشت فيه.. خدوا المعلومة من بق الأسد.. وأنا ممكن دلوقتي أنط على الموجة وأعمل من وراكم أحلى سبوبة"، مؤكدة ضرورة حديثها عن الحقيقة التي تدركها: "لكن أنا وشي هيتحرق لو مقولتش المعلومة اللي عارفها.. أنا في بلدي وربنا اختار يطهرها في الوقت دا.. وولاد بلدي في الذعر دا يبقى حرام عليا لو موضحتش المشهد".
وتابعت: "الأجهزة الأمنية في أمريكا واخدة أوامر من بق الأسد عشان تخوف الناس.. وتاريخ الصين معروف إنهم بيشتغلوا في صمت ومش بيتكلموا.. لكن أمريكا معتمدة طول عمرها على الصيت ولا الغنى.. ترامب عاوز يلعب لعبة مش لطيفة مع الصين.. وانتم خايفين ومقهورين وبتصرفوا فلوس زيادة على الماسكات".
واستنكرت المدونة، حالة الذعر والقلق المنتشرة بين المصريين: "إنتم يا مصريين بتستخدموا ماسكات وانتم 90% بتشموا عوادم السيارات.. إنتم رايحين للباسبور الأمريكي وسايبين القرآن الكريم وعليه تراب.. أنا زعلانة عليكم ومنكم عشان ولاد بلدي ميوصلوش للذعر ده"، مردفة: "أنا بسجد لربنا شكرا إني في المحروسة مصر.. وعيب عليكم تسلموا دماغكم للأوامر الخارجية".
وعقب تداول مقطع الفيديو الذي بثته المدونة مي الخرسيتي، تعرضت للكثير من الانتقادات والهجوم بسبب حديثها: "كلام فارغ.. إيطاليا مات فيها امبارح أكتر من 300 حالة مع تطورالرعاية والنظام الصحي فيها"، و"شوفت الفيديو دا أفورة وكلام فاضي.. مالقران اللي قال كده قال برضو ولا تلقوا بأيديكم إلى التهلكة"، و"الموضوع أوفر معاكي أوي، وبعدين هي الأمراض بقت فيها جنسيات ولا إيه؟ يعني علشان أنا مصري لا تصبني لعنه الفراعنة".
