رئيس التحرير:

محمود مسلم

رئيس التحرير

محمود مسلم

علاقات و مجتمع

أدهم أحد "ضحايا الطلاق" يعاني من التبول اللاإرادي والسكري: "هربت عشان أشوف بابا"

كتب: دعاء الجندي -

03:09 ص | الإثنين 15 أبريل 2019

معاناة الأبناء مع انفصال الوالدين

حالة نفسية صعبة أصابت "أدهم" بسبب انفصال والديه قبل عامين ماضيين، فقررت الأم "هبة.أ" 33 عامًا، إقامة دعوى خلع ونفقة ضد والده "أسامة.م" 36 عامًا، تأثر بها الطفل بعدما حرم من رؤية والده إلا في مركز الرؤية الخاص بهما ليصاب بحالة من التبول اللاإرادي منذ فترة طويلة بسبب التوتر الحاد الذي يعيشه برفقة شقيقته الصغرى "يارا"، بجانب تعلقه الشديد بوالده ما دفعه إلى محاولة الهرب مرة سابقة هادفًا دعوته إلى الحفل المدرسي بعدما رفضت الأم وبررت ذلك بسفر الأب، الأمر الذي وصفه بـ"محاولة خداعه".

يروي الطفل: "أنا مهربتش كنت عايز أوري بابا الشهادة بتاعتي اللي ادتهاني الميس بتاعت الرياضيات لكن ماما دايما بتضحك علي وتقولي إنه مسافر بس أنا عارف إنه قاعد عند تيتة، بابا قالي كدا لما جالي المدرسة لكن ماما مش بترضى تخليني أشوفه.. بتقول إنه هياخدني عنده ومش هيخليني أشوفها تاني".

إحباطات مستمرة عانى منها "أدهم" تسببت في إصابته بمرض سكري الأطفال بسبب الضغوط العصبية التي يتعرض لها، يوضح "أسامة.م" والد الطفل أدهم: "خلافاتنا كانت عادية زي أي زوجين لحد ما مرات أخوها دخلت بينا وبدأت تخليها طماعة ومش عاجبها أي حاجة عايزاني أسافر برا مصر زي أخوها وأشتغل وأتغرب عشان أجيبلها الدهب والعربية زي أخوها ما عمل مع مراته.. أنا بحب حياتي في مصر وراضي بيها ووقتي جنب ولادي بالدنيا لكن فضلت تخرب علينا لحد ما تم الطلاق وبعدها طبعا أي فلوس ببعتها للولاد بتقول إنها قليلة ومش مكفية حاجة.. طيب أنا راجل موظف على قد حالي وبدفع لها نفقة 1300 جنيه معنديش أزيد من كدا.. حرمتني من ولادي وكل مرة أشوفهم أدوق المر أنا وهما لدرجة العيال بقوا يكرهوا ييجوا الرؤية.. وآخر مرة عرفت إن ابني جاله غيبوبة سكري بعد الرؤية لأنه اتعلق بي جامد ومكانش عايز يسيبني أروح واضطريت أكسر بخاطره وخليته يروح مع أمه وبعدها عرفت إن السكر علي عليه جامد من الزعل.. أنا قلبي بيبقى موجوع وبحس إني مكسور قدامه نفسي أخده هو وأخته يشوفوا جدتهم ويناموا في حضني يوم".