علاقات و مجتمع

كتب: آية أشرف -

11:07 ص | الإثنين 05 نوفمبر 2018

تمثال صلاح

ردت مي عبد الله، نحاتة تمثال الفرعون المصري، محمد صلاح، والذي ظهر بإحدى قاعات منتدى شباب العالم، على منتقديها من رواد مواقع التواصل الاجتماعي، من خلال منشور لها عبر حسابها الشخصي على "الفيسبوك" قائلة: "لما بدأت في التمثال مكنتش عاملاه لمنتدى الشباب، ولا للمعرض، بدأته هنا معاكم، وكنت بشرح خطوة بخطوة، ووصلنا مع بعض لمرحلة كويسة، وكنت بعمله بس لغرض إن الناس اللي مش مختصة وعندها الموهبة وعاوزة تتعلم تعرف خطوات بسيطة تمهدلها الطريق إنها تبدأ مشوارها، والي عاوز يتأكد يرجع في بوستاتي شويه هيلاقي كل التفاصيل".

وأضافت: "مكنش غرضي أعمل تصميم جامد ولا فكرة خرافية قد ما كان قصدي أساعد الناس اللي بتسألني، وناس كتير تابعت الخطوات معايا وعرفوا ازاي يبدأو َلوحدهم من أول ما بيروحو للحداد ويعملو كاريكاز لحد ما يخلصوا الشغل ويصبوه كمان بغض النظر عن الشغل دا إيه، فده كان مجرد مثال بشرح عليه، وكنت بخلصه بسرعة بسرعة عشان كنت بنزل كل يوم خطوه".

وتابعت: "لما قررت اكمله للمنتدى وصلت لمرحله الجبس اللي لونه أبيض، وكان عاجبني ومقتنعة بيه، لكن لما المنتدى قرروا إنه لازم يبقى التمثال برونز اضطريت اخلي حد يصبه برونز، وده حول التمثال من خامة الجبس لخامة النحاس، واتفاجأت أخر يوم قبل تسليم التمثال للمنتدى إنه كده، مقدرش مسلموش ولا أقدر أقولهم معملتش شغل".

واختتمت في النهاية منشورها قائلة: "أنا مش مدايقه ولا زعلانة، ولا ندمانة،  لاني عملت اللي عليا وأكتر وربنا عالم بتعبي، والتعليقات السلبية مش هتحبطني ولا هتأثر فيا".

وكانت "مي" بالفعل بدأت بتصميم التمثال منذ عدة أشهر، وبدأت بمشاركة خطوات نحت التصميم لمتابعيها منذ شهر يونيه الماضي، أي ما يقرب من خمس أشهر ماضية.

أخبار قد تعجبك