تعتبر محطة مترو الزهراء المحطة الوحيدة التي بادرت بتخصيص جزء كمصلى للسيدات والرجال، ولكن اشتكى عدد من السيدات من تحويل المصلى للرجال فقط.

تقول ندى عبدالرحمن، إحدى الفتيات المترددات على محطة مترو الزهراء بشكل يومي، "المنطقة اللي عملوا فيها مصلى كانت كشك للزبالة، اتحولت من فترة مصلى للسيدات والرجال، وفجأة بقت مصلى لرجال فقط".

وأضافت لـ"هُن"، أنها لاحظت أمس عند توجهها للصلاة إزالة الستائر التي كانت تفصل بين مصلى السيدات والرجال وعند سؤال المسؤولين بالمحطة عن أسباب ذلك جاء الرد "مكنش فيه ستات كتير بتصلي فيها فكانت بتشغل حيز على الفاضي"- حسب قولها.

وقال نهلة أمجد، تعمل في إحدى الجهات الحكومية قائلة: "محطة مترو الزهراء كانت المحطة الوحيدة اللي فيها مصلى للسيدات، وأحيانًا مش بلحق الصلاة في البيت فالمصلى كانت مفيدة جدًا للسيدات بس فجأة اتشالت وبقت مصلى للرجال فقط".

وتساءلت السيدة: "ليه مفيش ولا محطة مترو فيها مصلى للسيدات فكرة الستائر اللي كانت معمولة في المحطة سهلة وبسيطة ممكن تتطبق على باقي المحطات ومش مكلفة".

"زي ما فيه محطات فيها مصلى للرجال ممكن يكون في للسيدات برضه وبالذات إنها بقت وسيلة مواصلات دائمة لكتير مننا"، هكذا بدأت تقى أمجد، طالبة في جامعة حلوان حديثها، مضيفة أن تجربة عمل مصلى للسيدات في المترو جديدة وتحتاج إلى التفكير فيها من القائمين على المحطة.

وتابعت: "أنا بنزل في محطة مترو المرج يعنى باخد الخط كله من جامعة حلوان لحد المرج وطبعًا أوقات في صلاة مش بلحق أصليها لأني طريقى من المرج للبيت بياخد أكتر من ساعة ولكن مصلى السيدات هتكون مفيدة جدًا".