الفترات التي تسبق مرحلة الخطوبة والزواج، دائمًا ما تحمل في طياتها العديد من التلميحات والتصرفات التي تظهر تعلق كل طرف بالآخر. 

فتيات طرحن سؤالا على إحدى المجموعات الخاصة بالسيدات، على مواقع التواصل الاجتماعي "علقتيه بيكي إزاي؟"، لتسرد كل منهن رأيها في الأمر. 

تقول ندى مكاوي، طالبة بكلية الآداب جامعة الإسكندرية: "كنت بتصرف على طبيعتي، وده أحسن حاجة عشان يحبك ويتعلق بيكي".

وتبنت الرأي نفسه بسمة سعيد قائلة، "بقيت على طبيعتي وحاولت ابقى صاحبه لدرجة إني بقيت بتكلم زيهم ساعات وبردو في شوية أنوثة". 

وتضيف فاطمة حسن: "كنت بتجاهله جدًا، لحد ما اتعلق بيا لوحده"، وعلى نفس النمط توضح لميس خالد: "التجاهل بيخليه يحبك ويتعلق بيكي جدا". 

وتتابع: "ربنا بيزرع الحب في القلوب من غير أسباب، كمان إنك تقولي حاضر ونعم مع تنفيذ الكلام والاهتمام والسند ليه إنه لما يقع تبقي إنتي ضهره قبل أهله". وتستطرد أكيرة أحمد: "دي أرزاق ونصيب معتقدتش ليها طرق".