رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

"لو بنت طلبتك للجواز توافق؟".. الشباب "مختلفون" والبنات "خائفون"

كتب: روان مسعد -

09:24 م | الإثنين 10 سبتمبر 2018

فتاة تتقدم لشاب

تنتظر الفتيات دوما طلب يدها، وتظل في "بيت أبوها"، حتى يقرع أحدهم الباب طالبا الزواج منها، هكذا جرى عرف المجتمع، وتجرى العادة في كل دول العالم، ليبقى سؤال "لو ولد طلب إيدك توافقي؟" بلا معنى، لكن ماذا لو انقلبت الآية وتبدلت الأدوار بين الرجال والنساء، وانتظر الرجال طلب يدهم من قبل النساء.

"لو بنت طلبتك للجواز توافق؟" سؤال طرحه أحد رواد موقع التواصل الاجتماعي "فيسبوك"، ليتفاعل معه عدد كبير من الرجال والنساء على حد سواء. يقول خالد جمال ردا على السؤال مستنكرا، "ما تروح تتعرف عليه الأول ويتفاهموا وبعد كدا يرتبطوا، هي نازلة إجازه من الخليج يعني هتتجوز عريس وتاخده وتسافر"، ورد عز الدين محمود، "لا إعرفها الأول طبعا مش من غير معرفها أقول عليها مش كويسة أو كده وبعدين تطلب من الشخص ده إزاي الجواز وهي معرفتها به سطحية".

وشاركت الفتيات كذلك في التعليق على السؤال والرد عليه، قالت فتاة تستخدم اسمه رائحة الفراولة، مستنكرة السؤال: "للأسف هياخد فكرة عنها وحشة جدا، غير أنه في بعض العقول المتخلفة هتفتكر إنها مش لاقية حد يعبرها أو مثلا فيها حاجة وبترمي بلاها عليه فمش أي حد هيفهم اللي هي بتتكلم فيه هي قصدها تقرب منه ويتربطوا ارتباط رسمي بس دى خطوه الراجل هو اللي بياخدها دايما بالذات فمجتمعنا الشرقي ولو هي عملت كدا ووافق على فكرتها بعد كدا هتتعاير بطريقة وحشة".

ورفضت خلود محمد الفكرة تماما، ونصحت الفتيات بألا يفعلن ذلك، "بلاش عشان هيشوفك حد مش كويس إنتي مش ف دوله متقدمة في فكرها إنتي في مجتمع شرقي بيفكر أغلبه برجله تقريبا، دا غير إنه هيشوفك مستقلة نفسك ومدلوقه عليه وإنتي عارفه الجو المتخلف بتاع التفكير دا بيبقى عامل إزاي، إنتي في مصر يا بنتي ومجتمع شرقي بفكره وطريقته فخليكي غالية وممكن تخليه إنتي بأفعالك".

وكما رفضت الفكرة من البعض لاقت استحسانا لدى الآخر ورحب بها بشدة، وجاء أحد التعليقات، "ينفع عادي مينفعش ليه السيدة خديجة لما كانت نفسها تتجوز الرسول صلي عليه وسلم بعت واحدة لمحتله بذكاء واتجوزوا، وده ميقولش إن البنت وحشة أو مش كويسة لأنك تقدر تسأل عليها وتتعامل معاها وتعرف أخلاقها كويس"، وقال عبد الرحمن هلال، "عادي لو مناسبة إشطة بس هي تبص على شخصيته قبلها".

وقال فادي هاني مقتنعا بالفكرة تماما، "أنا عن نفسي مش هفهمها غلط خالص ومش هفكر إنها مش محترمة، لأني مش مقتنع إن التصريح بالمشاعر لازم يجي من الراجل.. بس غريبة إنها تطلبني اتجوزها وهي معرفتي بها سطحية على الأقل هتقولي أنا معجبة بك الأول أو بالكتير هتقولي بحبك.. لكن مش هتطلبني للجواز خبط لزق كدة من غير ما نعرف بعض كويس ده جواز مش هزار".