رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

هو

تعليقات ساخرة عن التحرش بالرجال: "غضي بصرك يا آنسة"

كتب: آية إبراهيم -

03:35 م | الجمعة 31 أغسطس 2018

تعليقات ساخرة عن التحرش بالرجال:

دائمًا ما نسمع عن ظاهرة التحرش الجنسي واللفظي بالسيدات، ولم يتردد على آذاننا مصطلح التحرش بالرجال بالرغم من تواجده، إذ أفصح بعض الشباب عن تجاربهم مع التحرش من قبل فتيات في سؤال وجهه "الوطن" لمتابعيه على موقع التواصل الاجتماعي "فيسبوك".

وجاءت التعليقات ساخرة حول التحرش بالرجال، إذ سخر الجعرفي أبو الضبع من المبدأ ذاته، كاتبًا: "اه حصل معايا، مرة اتحرشوا بيا 4 بنات بالليل متأخر وبعدين قعدت اقلهم حرام حرام لحد ما اصعبت عليهم وسبونى اروح"، فيما كتب آخر: "فين بقي حملة لا للتحرش ضد الرجال احنا في خطر يا جدعان".

وتفاعل عمرو جمال قائلًا: "امسكوا المتحرشات معدناش عارفين نعمل ايه يعني معدناش بنحط جيل ومعدناش بندخل القميص في البنطلون نعملكم ايه اكتر من كدا غضي بصرك يا انسة ولا اكبتي غرايزك الحيوانية شوية مش كدا".

وعلق عادل الكابتن كاتبًا: "انا انصح كل شاب ينزل من البيت ويكون معاه أمه او أخته وبلاش لبس النص كم"، وفي هذا السياق الساخر كتب عبدالسلام فضيل: "يارب استر علينا.. الستات مابيسبوش راجل في حالو.. فين شرطة الأداب".

"ما هو انت اللي اكيد لبسك مثير، وبعدين انت اصلا نازل من البيت علشان يتحرشوا بيك، ما هو امك اللي اللي سايباك تنزل كده من البيت" هكذا علقت ريهام نور الدين ساخرة من تحرش الرجال.

ولكن كان لعبد الرحمن رأى آخر حيث علق كاتبًا: "طيب ياريت بس حد يتحرش بيا، والله ما هرجعهم زعلانين".