كتب: آية أشرف -
05:57 م | الجمعة 22 يونيو 2018
حرصت الإعلامية دعاء فاروق، على دعم اللاعب أحمد فتحي، لاعب النادي الأهلي والمنتخب الوطني، بعدما تداول رواد مواقع التواصل الاجتماعي صورته أثناء التدريبات.
ونشرت "فاروق" صورته على حسابها الرسمي على موقع تبادل الصور والفيديوهات "إنستجرام" وعلقت قائلة: "أرفع راسك يا فتحي أنت معملتش حاجة وحشة ولا مشينة .. أنت لا سرقت ولا نهبت ولا حتى غلطت .. أنت أسعدت ملايين والملايين دول بيحبوك وبيحترموك ... ارفع راسك يا فتحي أنت راجل محترم لا يشوبك شائبة .. ايه يعني الكورة خبطت في رجلك غصب عنك .. الحوادث بتحصل يا اخي وياما ناس بتتكعبل وبتقع من غير ما تقصد وياما كسرنا حاجات من غير ما نقصد".
وتابعت: "الناس بس يتحاسبوا على الغلطة اللي يقصدوها إنما الغلطة اللي ميقصدوهاش مينفعش نلومهم عليها لأننا كلنا معرضين نقع ونغلط من غير ما نقصد".
واختتمت كلامها قائلة: "اللي يعلق المشانق لحد على غلطة مش مقصودة لازم يعرف إن الدنيا دوارة، ومسيره يوم يتحط في موقف يحتاج فيه إن الناس تعديهوله لأن نيته خير، ارفع راسك يا فتحي مصر بتحبك لأنك ياما رفعت اسمها".
يُذكر أن المنتخب الوطني ودع بطولة كأس العالم رسميًا عقب خسارة المنتخب السعودي من نظيره الأوروجواي.