أعلن اتحاد أمهات مصر للنهوض بالتعليم، عن خريطة وبرنامج أولياء أمور طلاب المرحلتين الابتدائية والإعدادية خلال إجازة الصيف.

وقالت عبير أحمد مؤسس اتحاد أمهات مصر للنهوض بالتعليم، إن أولياء الأمور قرروا عمل برنامج صيفي لآبنائهم الطلاب بعد المجهود الذي بزلوه خلال العام الدراسي المنتهي، إذ قرر عدد كبير منهم التركيز على تحفيظ القرآن الكريم والحصول علي كورس رسم وبالية وجومباز، إضافة إلى زيارة مكتبة مصر العامة.

وأضافت عبير، أن هناك أنشطة أخرى مثل قراءة القصص وممارسة رياضة كرة القدم، والمشاركة في النادي الصيفي التابع للمدرسة، والذي يضم أنشطة رياضية وتعليمية ورسم وحفظ قرآن وتدبير منزلي وأشغال فنية، فيما رآى ولي أمر أن الإجازة قصيرة بالمقارنة بطول السنة الدراسية ولكن سنقضيها في كرة القدم والساحل الشمالي.

وقال أحد أولياء الأمور: "مطلوب من الأولاد من بعد إجازة عيد الفطر لو كل أسبوع يكتبوًا موضوع واحد بس تعبير هيلاحظوا الفرق جدا السنة الجاية، في أسلوب الكتابة وحمل هم كبير هيكونوًا حلوًا مشكلته إزاى نكتب موضوع تعبير بشكل جيد، والأولاد بلاش نسيبهم طول الإجازة لعب بس وموبايلات وتابلت وتليفزيون".

وتابع: "كل أسرة تحاول تشوف حد كويس يحفظ أولادههم قرآن أو في أي مسجد ده هيظبط لسان الأولاد جدا وكمان مش هيخلي عضلة المخ تسترخي أكتر من اللازم، يعني شئ بسيط من النشاط الذهني ولو ساعة أو أكتر شوية كل أسبوع".

وأكد أن مشاركة الفتيات في أعمال المنزل تساعد على تحملهن المسئولية في سن مبكر، وفي ذات الوقت الفتاة من صغرها تتعلم مايناسبها.

وتابع: "بلاش وحذاري من السهر لغاية الصبح كل يوم والأولاد يصحوا بعد العصر، قلبنا الليل نهار والنهار ليل، كده المخ والساعة البيولوجية بتتلخبط تماما، نسهر شويه علشان الإجازة، وننام شوية برضه كويس بس مش طول النهار يعنى لو نشوف أي نشاط رياضى الأولاد والبنات يقدروا يعملوه يبقى هايل، لو حد عنده الاستعداد والرغبة يشترك لأولاده في أي سنتر تعليم لغة إنجليزية جميل جدا طبعا، المهم نستغل الإجازة بشكل أو بآخر حسب إمكانيات كل أسرة".