"صوتك هيفرق"، "عشان مصر"، "لازم تنزل وتشارك".. لافتات ملونة يحملها أطفال بكفوفهم الصغيرة، بعد أن كتبتها إدارة حضانة الملائكة الصغار في بنها، بهدف تعليم الأطفال حب الوطن، وإدراكهم أهمية المشاركة في الانتخابات، وتوصيل رسائل للمصريين من خلال الأطفال بالحرص على النزول والمشاركة، تحت شعار "صوتك أمانة".

بضحكات بريئة، استقبل الأطفال رسم ألوان علم مصر المميزة على وجوههم التي رسمتها هدى محمد، معلمة بالحضانة، ضمن فاعليات المشاركة في الانتخابات بالحضانة، فتقول: "احنا مكتفناش اننا ننتخب بس، فكرنا اننا نعلم الاطفال ازاي يحبوا بلدهم بطريقة بسيطة، فقررنا اننا نرسم على وشوشهم علم مصر وعرفناهم ان في انتخابات والناس بتنزل عشان تشارك وهما لما يكبروا هيعملوا زيهم"، مضيفه: "طول فترة الانتخابات كنا بنشغل ليهم اغاني وطنية وبنحكي ليهم قصص عن البلد عشان نقدر نوصل ليهم الحب اللي يحبوه لبلدهم".

المعلمة العشرينية ومسئولين الحضانة، اعتبروا ان فكرة تعليم الاطفال حب الوطن بالرسم على الوجوه ومن خلال اللافتات التي تحث على المشاركة، واجب وطني على كل حضانة ومدرسة وجامعة: "احنا المروض اللي بنأسس ونعلم الأطفال وده دورنا، عشان كده تعودنا من غير الانتخابات بنعمل فقرات كل يوم خميس بتبقى مخصصة لحب الوطن، زي اننا نرسم علم مصر ونوزع عليهم اعلام مصر ونحكي ليهم حكايات وحواديت عن انهم ازاي يحبوا بلادهم".