كافيه البنات
صورة أرشيفية

بما إننا فى موسم الشتا واللي بيتمز بدور البرد والإنفلونزا والكحة والنزلة الشعبية وخلافه.. يبقى كان لازم يبقى لنا وقفه عند المرض..

أصل المرض ده من مكونات الحياة.. المرض ده الناس بتستقبله بطرق مختلفة..

يعنى هو اه بضعف الجسم ويهد الحيل ويعطل الدنيا وطبعا بيكلف يعنى كتلة من السلبيات اللي الواحد فعلا مش ناقصها خالص..

تعالوا بقى نشوف مفهوم كل واحد عن المرض ايه.. فيه اللي بيشوفه عقاب وغضب من ربنا عشان كده بيمرضه ويهده.. والنوع ده بعد ما يخف يا بيبقى خايف جدا ويراعي ربنا يا اما بيخف ويفتري تاني عادي.. فيه اللي بيشوفه تكفير ذنوب وبيتقبله بس بالكلام بس إنما فى سره بيلعنه ويزهق منه ويبقى مش طايق نفسه.. فيه اللي بياخده وسيلة تكاسل وتواكل وبيشحت بيه من الأخر.. كلنا الأنواع دي على فكرة.. كلنا بننسى بالمراحل دي على حسب نوع وشدة المرض..

الكتالوج حتى فيه الأنواع دي وأكتر.. لكن الكتالوج فيه نوع من البشر عندهم مفهوم تانى خالص عن المرض.. والنوع ده كمان موجود فينا بس إحنا كعادتنا بنحب نركز على الصعبنيات أكتر.. والنوع اللي موجود فى الكتالوج اللي بيشوف المرض على إنه نعمة.. أيوه نعمة.. ازاي المرض بيخليك تعرف قيمة العضو المصاب عندك.. وتراجع نفسك كويس أوي عشان تصونه وتحافظ عليه.. ايه الجديد يعني ما كلنا عارفين كده بس مش هنقف قدام إرادة ربنا ونمنع المرض.. اه هناخد بالنا بس مش هنمنعه.. ده اللي جه فى دماغي كل واحد قرا اللي مكتوب..

بس أنا عايزة فرصتي أوضح النعمة اللي في المرض أكتر.. إنك اما بتحس إنك على وشك انك تخسر العضو ده بتبدأ تبص حواليك وتراعي الناس المحرومة من اللى عندك...هتبدأ تحط نفسك مكان غيرك... وساعتها هنعرف تعذر وتقدر وتراعى...ساعتها هيبقى فيه رحمة وتراحم....مش قصدى تبص بشفقه...لا خالص قصدى قدر انك فى يوم من الأيام هتكون مكانه هتعمل ايه وهتحس بإيه وهيكون نفسك اللى حواليك يعملوا ايه عشان....انا واحدة من الناس اللى بمرض اكتر ما يتنفس...اشكال والوان الحمدلله...

شكلى مش بيبيان عليه اه عشان باخد المرض ده على انه ابتلاء بس عشان يأهلنى لحاجة تانيه اكبر...فى الوقت اللى بكتب فيه الكلام ده عندى جزء منمل من وشي داخل فيه لسانى وشفايفي بعانى وانا بأكل وبشرب محدش شايف ولا حاسس بس بعانى اكتر اما بفتكر ناس معندهاش سنان او مشلولة او عندها عيب خلقى او اعاقة بأحس ان عندى نعمة وبتروح منى اه بس بتقهر لما بعرف قيمتها متأخر ويفكر كل ثانية ازاى تحافظ عليها واصونها...حط نفسك مكان المريض وحس بيه...البس جزمة غيرك لثوانى وشوف هتتكعبل كام مرة قبل ما تحكم عليه...

الكلمات الدالة

أخبار قد تعجبك