مع بداية حبو الأطفال وتعلمهم المشي، يظهر على بعضهم تقوس في الساقين، أحيانا يكون هذا التقوس بسيط ويختفي مع الوقت، وفي أوقات أخرى يحتاج إلى تدخل طبي.

الدكتورة مروة مسعد، أخصائي طب الأطفال، قالت: "نسبة كبيرة من الأطفال بنلاحظ فيهم نسبة تقوس وفي حالات بتكون باينة أوي بعد الولادة وكمان بتبان أكتر أول ما الطفل يبدأ يمشي، والتقوس دا نوعين، نوع بيكون فيه مفصليِّ الرُّكبة بعيد عن بعض ودا اسمه تقوس للخارج، ونوع بيكون فيه مفصلي الرُّكبة متقابلين ولازقين في بعض ودا اسمه تقوس للداخل، أيا كان نوع التقوس لازم نعرف انه في معظم الأطفال بيكون طبيعي وسببه الوضع اللي بياخده الطفل وهو داخل الرحم وبيروح مع تقدم العُمْر".

وتابعت مسعد: "المطلوب من الأهالي عمل تحاليل دم زي نسبة الكالسيوم في الدم وفيتامين د، والفوسفور عشان نتطمئن إن مفيش لين عظام، وعند عُمر 3 سنوات نراجع دكتور عظام الأطفال عشان يعمل الأشعات اللازمة ونتابع معاه لو التقوس لسه موجود".

وأكدت، أن هناك بضع حالات تحتاج إلى استشارة طبية قبل عمر 3 سنوات مثل:

- الأطفال الذين يعانون من تقوس في ساق واحدة فقط.

- أو إذا كان التقوس شديد وبيمنع الطفل من المشي أو ممارسة حياته الطبيعية.

- التقوس ناتج عن خبطة أو وقعة أو التهاب في المفاصل.