زغاريد وفرحة دوى بها منزل الطالب محمد حاتم عبد السلام عبد الوهاب، عقب تلقيه مكالمة من إدارة التربية والتعليم، ليخبروه أنه حصد المركز الثالث على الجمهورية في الشعبة الأدبية، وهو الحلم الذي طالما حلم به وند تحقيقه لم يصدقه من هول الفرحة.

الثالث على الجمهورية بشعبة الأدبي

حالة من السعادة عدم التصديق في آن وقت، بحسب محمد، إذ عبر لـ«الوطن» قائلا، «فرحة كبيرة حسيت بيها كانت لحظة اتصالهم وكانت صدمة بالنسبة لي وإحساس بالمفاجأة، اتصلوا بيا من الإدارة عشان أعرف أني طلعت من الأوائل في نتيجة الثانوية العامة، وجبت مجموع 390.5، وكله بفضل ربنا الحمد لله، أنا فعلًا لسه مش مستوعب هي سنة مصيرية وكانت نهايتها الأحلى».

سر المجموع وبدء المذاكرة

درجة كبيرة حصدها الطالب محققا المركز الثالث في الشعبة الأدبية، كاشفا السر حول هذا المجموع: «بدأت من أخر شهر 8 المذاكرة، وكان أهم حاجة بالنسبة لي المواظبة على الدروس، وإني أعيدها أكتر من مرة وفعلا أهم نصيحة أقدمها لكل الطلاب إنهم يذاكروا دورسهم أول بأول، الدروس ويشوفه كل اللي وراهم أول بأول، لأن ده سر الحفظ».

يكلل فرحة الطالب الثالث على شعبة الأدبي رغبته في دخول كلية اقتصاد وعلوم سياسية، «بحلم من صغري أدخل الكلية، والحمد لله المجموع هيساعدني على ده، ودي أجمل هدية ممكن تيجي ليا في حياتي، وعمري ما فكرت في هدية معينة غير كل اللي ربنا بيكتبه ليا».

الطالب: أسرتي كانت مصدر الدعم 

«مصدر الدعم لي جدتي وبابا وماما دايمًا كانوا في ضهري، وأنا أكتر حد مبسوط في الدنيا بالنتيجة، لأني حسيت أن أهم وأفضل حاجة عملتها في حياتي، وده كرم ربنا حطيته قدام عينيا والحمد لله كل الإمتحانات كانت سهلة بأمر ربنا»، بحسب محمد حاتم عبد السلام عبد الوهاب.