الحفاظ على سلامة الثلاجات هو الشغل الشاغل لربات المنزل عند انقطاع الكهرباء وعودتها بشكل مفاجئ، وربما بـ«فولت»وضغط كهرباء مرتفع، إذ قد يؤدي الأمر في النهاية لحدوث أعطال في الثلاجة، وربما تلفها تمامًا، دون أن تقوى على عملها في التبريد وحفظ الأطعمة.

فني كهرباء: التلاجة مالهاش مدة سماح للتشغيل

من جهته، أوضح عمرو العربي، فني كهربائي لـ«هُن» أن الثلاجة يفضل أن تستمر في العمل طيلة اليوم، ولا يتم فصلها إلا حالة محاولة التخلص من الثلج: «التلاجة ملهاش مدة سماح للتشغيل تشتغل فيها أو تفصلها، بالعكس بتفضل متوصلة وشغالة دايمًا عشان تأدي دورها». 

وأشار فني الكهرباء، إلى أن توصيل الثلاجات بأسلاك غير معدلة قد يؤدي لتلف الشحن والفريون: «بيتقلل عمرها لو الكهرباء مش متظبطة وواخدة سلوك مش معدلة».

وأوضح عمرو العربي أن الأسلاك المعدلة تكون أعلى من 1 ونصف مم، وحتى 4: «لو واخدة أكبر من 4 مم، أو أقل من 1 ونص مم، بيكون مش معدل وممكن تأثر على الشحن والفريون والكفاءة». 

حيلة واحدة تحافظ على ثلاجتك

وأشار عمرو العربي إلى إن الثلاجات من الأجهزة الكهربائية المعرضة للتلف التام حال انقطاع التيار وعوده بضغط مرتفع وبشكل مفاجئ: «الكهربا لما بتيجي بضغط عالي ده ممكن يسبب تلفها».

ونصح فني الكهرباء السيدات وربات المنازل، بشراء «أفوميتر» مؤكدًا أنه الحيلة الأساسية للحفاظ على الثلاجة من التلف حتى إذا عاود التيار بضغط مرتفع: «جهاز بيتركب جنب العداد، ومع عودة التيار المفاجئ مش بترجع إلا لما الجهاز ده يوزع الفولت للأجهزة كلها بضغط 220 فولت، وده بيحافظ على كل الأجهزة الكهربائية ومتتلفش»