«بيعلمني كتير ويقولي حاجات يطلع صح فيها».. بهذه الكلمات وصف الفنان عمر الشناوي علاقته بابن زوجته حمزة محمد كيلاني، الذي يعتبر ابنه الثاني ويتبادلان المعلومات سويا، موضحا أن العلاقة بينهما قوية، جعلت والده ليس مجرد طليق لزوجته لكنه أخًا له، وذلك خلال تواجده ضيفًا في برنامج «الستات ميعرفوش يكدبوا».

علاقة عمر الشناوي بابن زوجته

6 سنوات عاشها الطفل حمزة الكيلاني بين والدته وزوجها الفنان عمر الشناوي، ما جعل له مكانه كبيرة في قلبه، إذ يحتضنه مثل ابنه حسن، ويشاركه أفكاره وخروجاته، قائلًا:«إحنا عايشين مع بعض بقالنا 6 سنين دلوقتي، ذكي جدًا ومخه أكبر من سنه بكتير، بيتكلم كتير في حاجات يطلعني فيها غلطان، يعني مثلًا نتناقش أو يسألني سؤال علمي وأبقى فاكر إني فاهم أنا بقول إيه، ألاقيه يروح قايلي الحاجة الحقيقية كذا كذا، ولما نعمل سيرش على جوجل نلاقي إن هو اللي صح فعلا».

علاقته بطليق زوجته

يبلغ حمزة من العمر 10 سنوات بجانب حسن 4 سنوات:«حسن ابني اه، حمزة ابني برضو بس ابن مراتي من محمد كيلاني، حسن 4 سنين وحمزة 10 سنين، حمزة عايش معانا في أيام الأسبوع الخمسة بتوع الدراسة، والويك إند مع باباه، هو يعتبر مبقاش صديقي دلوقتي لأن ولادنا إخوات دلوقتي وبعتبره أخويا، لو مكنش في ولاد هيبقى طليق مراتي، لكن طالما في ولاد الموضوع بيتغير».

لم يكن الود من جهة الفنان عمر الشناوي فقط، لكن الفنان محمد كيلاني يشارك جمهوره المناسبات التي تجمع الأسرة، منها الاحتفال بعيد ميلاد حمزة.