قبل 24 عاما، عاشت منار حازم، حياة صعبة هي وأسرتها بعد وفاة الأب، الذي كان يعمل في وظيفة مرموقة وكذلك والدتها، التي تحملت المسؤولية من بعده، إذ كانت لديها 4 أبناء، اثنين منهما قُصر وتحت الوصاية، لتعيش الأسرة واقع مسلسل تحت الوصاية، التي تجسده الفنانة منى زكي، على شاشات التلفزيون، تحكي الضغوطات والمشاكل التي تقع على عائق كل من عانى الفقد، وواجه مشاكل مع الأهل بسبب الميراث ودوامة المجلس الحسبي.

وفاة الأب أربكت حال المنزل.. انقطعت الحوافز والبدلات

وروت الشابة منار حازم، لـ«هن»، كواليس رحلة والدتها مع المجلس الحسبي والإجراءات التعسفية التي واجهتهم، قائلةً، «ماما كانت واخدة الوصاية لأن عندنا أخ ولد، وأي فلوس طلعتلنا من ورث بابا دخلت المجلس الحسبي، أي عقارات أو ممتلكات دخلت المجلس، وأي فلوس بنطلعها لازم فواتير رسمية، المرتب الأساسي بتاعه مش كبير، وكان الدخل معظمه معتمد على المكافآت والحوافز والبدلات، ولما اتوفى قبل 60 سنة، كل الحاجات دي اتمنعت وتبقى المعاش، والدتي باعت عفش بيت قديم عندنا علشان نعيش بيهم، كانت بتشتغل كانت رئيسة قطاع في التربية والتعليم للتعليم الإبتدائي، أختي الكبيرة كانت متجوزة وأخويا كان بيحضر لجوازه».

طلب كل 3 شهور لسحب مبلغ من أموال القُصر

«المصاريف كتير جدا والدخل مكانش بيكفي، المجلس الحسبي كان بيتدخل في تفاصيل حياتنا، زي ليه مدخلة أختي الصغيرة مدارس لغات، الموطف قالها طلعيها ودخليها مدارس تجريبي أرخص»، عبارة واصلت من خلالها الشابة الأربعينية تجربتهم مع قانون الوصاية والمجلس الحسبي، مضيفةً، «وقتها كنت في كلية الهندسة وكانوا بيطلبوا مننا إثبات وفواتير بالكورسات والدورس اللي باخدها من المعيدين والدكاترة، الأدوات اللي كنت بستخدمها في الكلية كانت غالية جدا، وبيطلبوا فواتير عن الملازم والكتب الخارجية من كل مكان بنشتري منه، وفي حالة لو مش معانا فواتير ضريبية بنبدأ نقدم طلب كل 3 شهور لسحب مبلغ من المبالغ الموجودة القصر، لو الشخص معدي الـ16 سنة لازم يروح المحكمة يقول إنه موافق إن الأم تاخد من الفلوس دي وبناخد حوالي 5 أو 10% من الفلوس».

منار سحبت نصيبها من الميراث بعد وصول الـ21 عام

بعدما وصلت الشابة الأربعينية السن القانوني وبلغت الـ21 عامًا، قامت بسحب المبلغ المخصص لها من المجلس الحسبي، حتى تساعد والدتها وترحمها من الإجراءات التي تواجهها كل مرة، مشيرةً «روحت سحبت فلوسي واديتها لوالدتي تصرف بيها عليا أنا وأختي، علشان متتبهدلش كل مرة في مشوار المجلس الحسبي، أختي كانت في كلية الفنون التطبيقية، وكانت بتستخدم مبالغ كبيرة جدا، والدتي بدأت تشتغل إضافي علشان تقدر تصرف علينا، منى زكي جسدت حياتنا بالحرف».