قالت الفنانة شيرين رضا، إنها ترى من السهل عليها أن تعيش أعلى الجبل، وإذا اتيح لها ذلك فستأخذ أهلها وكلابها وقططتها: «مش هاخد ميك أب لأني مش بحب الميك أب، مع إني بشتغل شغلانه بضطر أحط فيها ميك أب بس مش هحط فيها ميك أب، وهعمل فوق الجبل مستعمرة شيرين رضا، وهختار لون العلم أحمر مع إني زملكاوية، عشان محدش يقرب».

شيرين رضا: بشك في نفسي

وأضافت خلال استضافتها ببرنامج «أنا والقناع»، وتقدمه الإعلامية منى عبدالوهاب، والمذاع على فضائية الحياة، أنها في أحيان كثيرة تشك في أرائها ومقتنعاتها؛ لأنها ترى ضرورة في تجديد قناعاتها وأرائها بشكل مستمر، ذلك لأن الدنيا دائمة التغيير: «الحاجات اللي ممكن أصدقها من 20 سنة مبقتش هي دلوقتي، ولازم نجدد، والعمر بيغير قناعتنا».

وتابعت الفنانة شيرين رضا: «احنا بنغلط ومفيش مجتمع كامل، وجزء من حلاوة الحياة إننا نغلط فيها، والتجربة تعلمك والتعاسة تعلم السعادة، ومتعة الرحلة في الرحلة وما نتعلمه منها».