قالت الفنانة شيرين رضا، إن زيجاتها علمتها كل شيء في الحياة، وكيفية تحملها للمسؤولية، مشيرة إلى أنها دائما تختار استئصال الجراح من جذورها بدلا من المسكنات، حتى لو سبب ذلك ألما كبيرا لها.

شيرين رضا: كل واحدة فينا بيبقى عندها كامل الحرية 

وأضافت خلال استضافتها ببرنامج «أنا والقناع»، مع الإعلامية منى عبدالوهاب، المذاع على فضائية الحياة، أنها دائما ترى انتصارها بمثابة انتصار لحرية المرأة، وإقرار بكامل الحرية التي تتمناها أي امرأة: «كل واحدة فينا بيبقى عندها كامل الحرية اللي تتمناها، وانتصار على رؤية الناس للست، وأنك ممكن يكون عندك حرية بس مش بتستخدميها».

وتابعت شيرين رضا: «جوازاتي وبناتي علموني كل حاجة وخلوني أعرف أكون مسؤولة، مش كل الناس تعرف تكون مسؤولة، وفي ناس بعد خطوتين أو تلاتة تنهار، بس اللي حصلي في حياتي علمني، ومش لذيذ إن عقل الست يتخدر لأي سبب حتى لو بتحب البني أدم ده، لازم يكون العقل شغال لأنه بيحمي المرأة وكمان الراجل».