كتب: أمنية شريف -
07:49 ص | الإثنين 17 أبريل 2023
لكل إنسان عالمان، أحدهما الانطباع العام المأخوذ عنه، والآخر المجهول، وفي حالة اللاعب المصري الشهير حازم إمام، يرى الجميع أنه كروي بحت، إلا أن لقلبه رأيًا آخر، فمن الطبيعي أنه نشأ وتربى في جو أسري من الحب، جعله لاعب كرة قدم شهيرًا، منتميًا لزوجته وأسرته، وهذا ما نلقى عليه الضوء في ذكرى ميلاده، اليوم الموافق 17 أبريل.
قالت زوجة اللاعب حازم إمام، قدرية داوود عن تعارفهما، وقصة زواجهما، خلال برنامج صاحبة السعادة، مع إسعاد يونس، «حجم الكرة في مصر مكنتش عارفه حجمه، مكنتش فاهمه يعني إيه يبقى في كابتن كرة بحجم حازم إمام، اتعرفنا لأن كان عندي حفلة في ملجأ، وكنا عاوزين نجيب حد مشهور، فقلت لهم إحنا نكلم حازم إمام، فجأة جيه في بالي، عمري ما شوفت له ماتش، لكن خدت رقمه وكلمته، لكن مروحناش ملجأ ولا أي حاجة»، واستكمل حازم إمام مازحًا، «لحد الآن لم أرى الملجأ».
استكملت حديثها، «أنا بابا زملكاوي، لكن مكانش ليا في الكرة، المهم بدأ الكلام بينا في التليفون، عشان نروح الملجأ، وفجأة قالي أنا عمري ما شوفتك، وأنا قولت له عمري ما شوفتك فعلًا، استغرب جدًا، وبالصدفة اتقابلنا في المهندسين بعد التمرين كان بينا شارع، أول ما شوفته كان شكله غريب، ولابس أسود في أسود، وطالع من التمرين ولابس كاب».
واستكمل، «كان صعب ننزل سوا كتير، فاخدت القرار فجأة، وكنت مهتم وعاوز أتكلم في التليفون، عاوز أشوفها كانت دماغنا قريبة من بعض، بتحب السفر والخروج طيبة جدًا، وعندها ثقة عالية طلباتها بسيطة بتحب الحاجات البسيطة بتحب نكون مع بعض، واستكملت، «هو حبني كان دايمًا يكلمني يقولي أنتِ فين، وقال بالفعل، «أنا قولت لماما قالت لي اسمها إيه قولت لها قدرية قالت لي غريب أوي قديم، لكن قالت لي أهم حاجة متكونش منفتحة، وطلعت ست بيت، ثم تزوجنا».
أثمر الزواج، عن هيا وتاليا «لولو»، وقالتا عن حازم إمام ووالدتهما، «بنحب بابا وماما جدًا، لولو بتحب تلعب كرة زي بابا، بنخاف من ماما أكتر، لأن بابا بيهزر معانا وبينسى، لكن ماما شديدة أكتر».
