كتب: محمد متولي -
06:20 م | الأربعاء 07 سبتمبر 2022
نصحت الفنانة ألفت عمر، الفتيات بعدم النوم مع وضع أدوات التجميل، حيث إن ذلك الأمر يؤدي إلى تدمير خلايا الجلد بشكل كبير، «أول حاجة لازم نعملها أوعي تنامي بالميك أب أبدا تحت أي ظروف أو أي ضغط، لازم تشيلي الميك أب بتاعك».
وأضافت ألفت عمر، خلال استضافتها ببرنامج «السفيرة عزيزة»، وتقدمه الإعلامية نهي عبد العزيز وسالي شاهين، والمذاع على فضائية «DMC»، أنها تعتمد في تنظيف وجهها على «مياه الورد» وذلك بعد فترة طويلة من التجربة لعدد من المكونات الأخرى.
واستطردت: «مياه الورد ليها صفتين، أولها أنها من زهرة الورد، وكمان الورد ليه طاقة عالية وبينظف الطاقة السلبية من على الوش، ودي حاجات محدش يعرفها، ولو حطيناها في بخاخ ورشينا من بعيد فبينضف الهالة بتاعتك ويخليكي مشرقة وبراقة لو قعدتي كل يوم تعمليها».
وتابعت: «ابدأي حطي كل يوم بالليل كريم الليل على بشرتك والثيرم بتاعه وكريم العين، وده روتيني اليومي، وبالنسبة للوصفات الطبيعية العادية فممكن نستخدم أوراق النعناع الأخضر ونطحنه ونحطه في مكعبات في الفريزر، ونحطه أسفل العين لمدة ثلث ساعة لنزع السواد أسفل العين».