كتب: خالد عمار - روان مسعد -
05:42 م | الثلاثاء 19 أبريل 2022
تحدث جيران الأب في أول فيديو لايف من مكان واقعة إلقاء فتاة من البلكونة على يد والدها، وفجروا مفاجأة خلال تصريحات لـ«الوطن»، وتحدث الرجل الذي ظهر في الفيديو وأنقذ الطفلة التي ظن البعض أنه يلقيها والدها من البلكونة، «إزاي اب يرمي بنته ده محصلش اول ما مسكت البنت هو سابها هو مكانش قادر يمسكها لأن رجله ضعيفة إزاي أب زي ده يرمي بنته، أنا اول ما طلعت سابها هو مكاش بيرميها».
وأكمل الجار ومنقذ الفتاة بطلة فيديو أب يلقي بنته من البلكونة، «هو جارنا هنا من سنين البنت في حاجة وقعت منها ونزلت عشان تجيبها وهي بتنشر فالراجل كان بينقذها مكانش قادرة يشدها لفوق إحنا طلعنا لقينا البنت بتصوت فطلعنا ناخدها وطلعناها فوق فانذقناها».
وبعد الإنقاذ حاول الجيران فهم ما دار بين الأب وبنته، «إحنا زعقناله شوية، وقلناله أنت مش قادر تشد بنتك قالي رجليا وجعاني مش قادر أشدها وهو بجد جارنا ووحبيبنا ولما حد زعقله، قال أنا مبضربهاش هي كانت هتقع، والبنت نفسها قالت أنا خفت من أبويا فنطيت من البلكونة، وإحنا أخدناها منه فاكرينه ضربها بس هي قالت مضربنيش كان بيلحقها من الوقوع أثناء نشر الغسيل والأب دخلنا عادي وأنا بجيبها سابها لأنه مكانش قادر يشدها».
وأوضح الجيران أن الأب هو عامل أرزقي باليومية خاصة في شهر رمضان بجانب أنه سائق: «هو مش بلطجي ده راجل غلبان وبيجري على لقمة عيشه دي الحقيقة ونعرفه من اكتر من 20 سنة راجل محترم».
وعن تفاصيل ما حدث أكمل الجيران، «اليافطة وقعت بيها كان في يافطة وقعت بيها كانت بتنشر في حاجة وقعت منها قالت التندة جامدة عليها بس هي وقعت فابوها كان بيحاول يشدها ويطلعها لفوق هو معملش حاجة ده راجل معاق وعنده 5 عيال المفروض نساعده يصرف عليهم منهم ناس بتشتغل وناس بتدرس هيجيب فلوس منين».
جدير بالذكر، أن الأب لا يزال محبوسا على ذمة التحقيق.
