القلق والتوتر مشاعر تنتاب بعض الأشخاص، سواء في حياتهم المهنية أو الشخصية وطوال الوقت أو في مواقف معينة، حسب صفات كل شخص.

وتقدم عبير فؤاد خبيرة الأبراج عبر «هن»، قائمة بأكثر أبراج البنات توترا حسب المواليد، موضحة الأسباب وراء ذلك، فهناك من تظهر القلق في كل المواقف، وآخريات خلال الارتباطات، أو بسبب الخوف على حريتها وغيره. 

أبراج البنات المتوترة 

برج السرطان

صاحبة برج السرطان، دائما تعيش في قلق، فالشك من بين صفاتها، ويراود تفكيرها كل الأمور السلبية، ما يجعلها تشعر بخوف على من تحبهم وأنّها تفقدهم، وتكون في حالة من التوتر على أسرتها أو أبنائها أو شريك حياتها: «ودايما قلقانة تفقد أي حاجة، وتبقى على تقول بتحاصر اللي حواليها بالأسئلة والشك، وعلى طول عايشة في قلق، وتعتبر أكتر واحدة متوترة في الأبراج»، بحسب وصف عبير. 

برج الحمل 

صاحبة برج الحمل تخشى على نفسها ومتوترة، رغم أنّها تتصف بالجرأة والشجاعة وروح المغامرة، إلا أنّها في المشاعر تشعر بخوف من الحب، تقول خبيرة الأبراج: «بتبقى قلقانة وبتخاف تحب عشان متتجرحش، بنات الحمل ممكن يبقى عندهم توتر في قرار الارتباط».

برج القوس

صاحبة برج القوس تشعر بالتوتر اتجاه الارتباطات، رغم أنّها في الأصل شخصية متفائلة إلا أنّها لا تحب أن تظهر ضعيفة: «مش عايزة حد يتحكم فيها، عايزة تكون مسيطرة ومش عايزة حد يشوف نقطة ضعفها ومبتديش فرصة لحد يمسك عليها نقطة ضعف»، وفقا لخبيرة الأبراج.

برج الجوزاء

صاحبة برج الجوزاء تشعر فقط بالتوتر عند الارتباط وليس في حياتها بشكل عام: «بنت الجوزاء بتخاف جدا من الارتباط عشان بتخاف على حريتها ومش عايزة تدي فرصة لحد يتحكم فيها فده بيعملها توتر بس في حالة الارتباط»، بحسب وصف عبير.