كتب: آية أشرف -
08:46 م | الجمعة 11 فبراير 2022
عادت الفنانة ياسمين صبري مُجددًا للحديث مع الجمهور عبر موقع التغريدات القصيرة «تويتر»، وناقشت معهم أسس العلاقات الـGreen flag، أو العلاقات الصحية التي لا تشوبها المشكلات، وتهدف للبحث عن الصفات الحسنة الموجودة في الأشخاص للارتباط بهم، أو تكوين صداقات معهم.
وشارك مدير غرفة المناقشة التي شاركت فيها ياسمين صبري عبر «تويتر» 8 دقائق من آراء الفنانة ياسمين صبري، من أصل 120 دقيقة، استمع فيه لها 66 ألف شخص.
وعن أسس اختيار الشريك، قالت الفنانة ياسمين صبري: «دور على الأحسن منك مش اللي لسة هتطوره، وهو هيخليك أحسن وأذكى ومتطور أكتر وعنده شغف، لأن محدش هيتغير».
وعبرت الفنانة ياسمين صبري عن رأيها حول العلاقات الـ Green flag، مشيرة إلى أن الأمر لا يحتاج الكثير من المواقف السيئة، وأنه أمر واضح منذ المرة الأولى أو الموقف الأول: «بنبقى شايفين اللي قدامنا فيه خير ولا لأ، وإحنا اللي بنختار وإحنا أحرار بشكل مخيف، وإحنا بنختار إزاي نكمل مع الشخص ده».
واستشهدت بمقولة شهيرة للإعلامية «اوبرا وينفري»، قائلة: «أوبرا وينفري قالت ليه نستنى للمرة التاسعة عشان نصدق ونفضل ندفع الثمن».
وتابعت: «كلنا بنبقى عارفين سواء أنت مدرك ولا لأ، بس بيبان من لغة الطاقة والعينين، اسمع وركز وحس، الأطفال بيحسوا أكتر مننا زي الحيوانات كمان بتفرق بين الشخص السيئ والكويس».
وأشارت الفنانة ياسمين صبري إلى ضرورة التخلص من آثار العلاقات السامة السابقة، قائلة: «عشان تتخلص من الصدمات لازم تستعد لتغير حياتك في حاجات هتروح مع اللي هيتنضف طبعًا بس لازم تتخلص منها».
وواصلت: «الواحد كل ما ينوي للحاجة الحلوة الكون هيقوله وأنا معاك، لازم نتخلص من الصدمات والناس القديمة والجديد هيجي، دي الدنيا، والحياة نقلات».
