دائما ما تبحث الأمهات عن طرق مبتكرة، لتغيير نظام غرفة نوم الاطفال، حتى يستطيع صغارهم التنقل داخلها بحرية، ويكون لهم مساحتهم الشخصية، كونهم يقضون أغلب أوقاتهم بها، خاصة الفتيات اللائي يحافظن على الاستقرار في غرفهم واستقبال الأصدقاء بداخلها، لكن تتذمر بعضهن من ضيق المساحة والشكل العام، لتصبح الأم حائرة بشأن إعادة ترتيب ديكور الغرفة.

نصائح لترتيب غرف الأطفال الضيقة

لخل مأزق ضيق المساحة، قدمت الفنانة التشكيلية كرستين ظريف، نصائح للأمهات لترتيب ديكور غرفة نوم الأطفال، واستغلال المساحات بشكل إيجابي، خلال استضافتها في برنامج «جروب الماميز»، موضحة: «أول مشكلة بنواجهها هي العفش، ساعات بيكون واخد مساحة أكتر من مساحة الحركة الموجودة في الغرفة، المفروض نأمن مكان للطفل يتحرك ويلعب فيه، وده بيحله ترتيب العفش وتوظيفه، في ساعات بيكون عايش طفل واحد أو طفلين، لازم أخد بالي كأم من النقطة ديه، لازم يكون مسار الحركة حوالي 80 سم، علشان يقدر يمشي بحرية في غرفته».

بلاش كراكيب واستغلي المساحات

أوضحت كرستين، الأولوية التي يجب إلقاء الضوء عليها ومراعاتها في غرفة الأطفال، إذ قالت: «الأهم والأولوية مساحات التخزين، لازم تاخد أهمية الدولاب والسرير بالظبط، هما ألعابهم كتير وأدواتهم بالكميات، لو مفيش مساحات تخزين هتلاقي الأوضة مكركبة، وبالتالي هينقل تحركاته لأي غرفة أخرى في البيت».

العديد من الحيل الذكية التي يمكن استخدامها للتحايل على ضيق المساحات في الغرف الخاصة بالأطفال، طرحتها الفنانة التشكيلية: «الأوضة بتكون مربعة، يفضل عدم وضع محتوياتها في مستوى واحد، ممكن بحرف (L)، ده هيدي وسع، وقلب الأوضة هيكون فضي، لازم نعمل سيرش وندور على حلول ذكية، ورص الأوضة بشكل مبتكر، في حاجات أساسية وفيه تكملية، بلاش تحطي السرير تحت الشباك، علشان ميقفوش عليه وينطوا منها، دي أهم حيطة في الأوضة، ولازم نبعد عن ضلع الباب».