رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

فريدة الشوباشي عن التمييز بين الرجل والمرأة: كنت بفطر بيضة وأخويا اتنين (فيديو)

كتب: روان مسعد -

03:16 م | الجمعة 01 أكتوبر 2021

فريدة الشوباشي

تحدثت الكاتبة فريدة الشوباشي الناشطة النسوية وعضو مجلس النواب، خلال لقائها مع الإعلامي حمدي رزق، ببرنامج «نظرة»، على قناة صدى البلد، عن القمع الاجتماعي للمرأة، وجذوره التاريخية، وكيف يمنح التراث المجتمعي السلطوية للرجل، ويقمع المرأة.

بيعملوا سبوع للولد والبنت لا

روت الشوباشي، خلال لقائها معاناتها قديما مع التمييز، والأفكار التي كانت متبعة منذ زمن بعيد: «الأفكار ديه كانت في كل حتة، في المنابر والزوايا والإذاعة والتليفزيون، وقت ما حصل غسيل مخ كامل ضد المرأة، ما المرأة ديه أمي ببوس إيديها، وبنتي بكون حنين عليها، مينفعش اعتبرها وباء».

وأكملت فريدة الشوباشي: «الأسلوب اللي مينفعش يشوف ست بشعر، بيحط من قدر الرجل، يعني إيه شعر امرأة بيثيره، فلازم تغطي شعرها، فين الإرادة بتاعة الإنسان، ده أفرز أفكار وحشة، ودلوقتي إحنا في صحوة وبنتغير كتير للأحسن».

وروت الشوباشي خلال لقائها في البرنامج، تجرية شخصية مرت بها: «بيعملوا سبوع للولد ويدبحوا والبنت لا، أنا أمي كانت بتحطلي بيضة واحدة، والولد اللي أصغر مني على طول بياخد بيضتين، ولما أقولها إشمعنى تقولي ده ولد وأنتي بنت، وأفضل حتة في الفرخة هي للولد، الفلوس للولد، كل دي موروثات بالية».

إحنا في صحوة حاليا

أكدت الشوباشي، أن المجتمع حاليا يعيش صحوة، ويشهد تراجعا لتلك الأفكار: «كان عندنا ملكات زمان أول ناس ملكات، وسميرة موسى اللي قتلوها اليهود، الكفاءة مالهاش علاقة بالجنس، ربنا كرم المرأة وأودع فيها الرحم اللي بيوهب الحياة، احنا مكملين بعض بس ربنا كرمنا، ووهبنا اللين والرحمة».

وتابعت: «لكن تلك الأفكار ضد المرأة بتتراجع، والفكرة أنه عندنا رئيس مؤمن بإنسانية المرأة المصرية، زي إنسانية الرجل المصري، كله على السواء، وبيتحارب لأنه من زمان جدا بنحط في مفاصل الدولة الأفكار الوهابية، اللي هو بيحاول يلغيها دلوقتي».