حلت الفنانة ميمي جمال ضيفة على برنامج «الستات مايعرفوش يكدبوا»، من تقديم مفيدة شيحة وسهير جودة، على قناة cbc، التي تحدثت عن حياتها الشخصية، وذكرياتها مع زوجها الفنان الراحل حسن مصطفى.

وروت خلال الحلقة، أسرار وجوانب من حياتهم الشخصية مع زوجها الراحل، وأسباب طلاقها منه، إذ قالت: «في إحدى المرات شافني بأحد العروض، وكنت لابسة فستان سواريه معجبوش، وأول ما دخلت البيت قالي أنا قولتلك وانتي مسمعتيش الكلام، وقام مطلقني بالكلام كده، حاولت أصالحه قالي لأ انت كده محرمة عليا زي أمي وأختي».

وكشفت ميمي جمال أنه من حينها وقررت استخدام «شال» على أي فستان سواريه ترتديه على المسرح، مواصلة: «لابسة سواريه وحاطة شال، خلاص كنت اتعملت الدرس، أطلق تاني ولا ايه».

وعن سبب انفصالهما ثم الزواج مرة أخرى، أوضحت ميمي أن الطلاق تم مرة واحدة في بداية زواجهما، وكان ذلك بسبب الغيرة.

وأضافت: «قاللي أنا اللي طالبه منك ميبقاش فيه الفساتين المفتوحة ولا القصيرة أوي، قلت له ده مسرح الشكل فيه مهم، وروحت بعدها عادي، وكانت أول مرة أكسر كلامه، جه المسرح لقاني بفستان سواريه، رجع البيت قالي خلاص كل واحد في طريق، وكانت دي أقوى خناقة بيننا، المهم بعدها اتصالحنا وقلت له يعني يحصل كده من أول خلاف بينا! قاللي أنا عندي ثقة عمياء فيكي لكن مش عاوز أسمع كلام من الناس عنك، ومن ساعتها أي مسرحية هتلاقوني لابسة فستان مقفل مش قصير ولا عريان».

واختتمت ميمي جمال: «أنا خلفت بنتين منه، ومن وقتها قررت أن البنات دول لازم أبوهم يوصلهم لأزواجهم، لازم المركب تمشي بينا سوا، بناتي ميتجوزوش والأب في مكان والأم في مكان، مهما حصل بينا لازم يكون في حتة نقف فيها، طلاق لأ، زعل آه».