رئيس التحرير:

محمود مسلم

رئيس التحرير

محمود مسلم

علاقات و مجتمع

"نهلة" تطلب الخلع من زوجها: بيغير من عياله وبيضربني لما بهتم بيهم

كتب: ندى نور -

02:33 ص | الجمعة 09 أكتوبر 2020

زوجة تطلب الخلع بسبب غيرة الزوج من اولاده

"بيضربني علشان بهتم بعياله أكتر منه"، قصة جديدة من قصص محكمة الأسرة وقفت "نهلة.ك"، ترويها داخل محكمة كيت كات، واصفة المعاناة التي تشعر بها كل يوم بسبب غيرة زوجها المبالغ فيها.

بدأت "نهلة" سرد قصتها التي لا يصدقها أي عقل وهى غيرة الأب من أطفاله، الأول بعمر 5 سنوات والثاني عامين، "أولاده في سن رعاية علشان كده كنت بهتم بيهم أوقات الاهتمام بالأولاد بيكون أكبر لكن ده طبيعي".

نهلة: بيغير من أولاده كأني متجوزة عليه راجل تاني

سنوات تتحمل الزوجة العشرينية معاناة زوجها وسوء أخلاقه، "أوقات كان بيضربني بالساعات لما بيشوفني بأكل أولاده أو بشربهم كأني متجوزة عليه راجل تاني وضع مش مفهوم".

تساؤلات كثيرة كانت تدور في ذهن الزوجة عن أسباب غيرة الزوج من أطفاله، "سألت دكتور نفسي أكد أنه محتاج علاج وأنه بيعاني من مشاكل نفسية بتخليه يحس بالغيرة".

محاولات مختلفة تحاول "نهلة" من خلالها إقناع زوجها التوجه إلى طبيب نفسي يساعده على العلاج، بالإضافة إلى الحديث معه باستمرار في محاولة إقناعه أنه يحتاج إعادة التفكير في طريقة التعامل مع أطفاله ومعها.

رفض الزوج العلاج واستمر في اعتدائه على زوجته وما زاد رغبة الزوجة الانفصال عن زوجها الاعتداء على أطفالها بالضرب، "وصل لمرحلة أنه كل ما كان بيشوفني بتعامل معاهم كويس يضربهم بغيظ شديد كأنهم مش أولاده".

لم تستطع السيدة العشرينية تحمل سلوك زوجها ومشاعره وانفعالاته غير المنطقية حتى تقرر ضرورة الانفصال عنه وعند رفض الزوج الطلاق لجأت إلى الخلع، "شهور بطلب منه يطلقني وهو رافض فكان الحل الوحيد الخلع علشان أحافظ على نفسي وأولادي من تفكيره المريض، خفت على أولادي منه وكان الخلع هو الحل الوحيد لكل المشاكل، علشان اخلص من أمراضه النفسية وغيرته المرضية".