اختتم مسلسل الاختيار، الذي يجسد قصة الشهيد البطل العقيد أركان حرب أحمد صابر منسي، حلقة الأربعاء، بمشهد بدء الهجوم على كمين مربع البرث بشمال سيناء، ومن المقرر أن تحتوي حلقة الخميس، على مشاهد من المعركة ومشاهد الاستشهاد لعدد من أبطال الكتيبة 103 صاعقة "رجالة منسي". 

وقالت والدة الشهيد البطل المجند علي علي، في تصريحات لـ"الوطن": "أنا ببقى كويسة أوي لما بسمع اسم الشهيد علي علي، وبتمنى المسلسل ميخلصش، اتفرجت على حلقة النهارده، وهو بيقول للظابط بتاعه أمي قوية وبيعزمهم على فرحه، وبيقولهم أمي بتربي 6 أبناء".

وتابعت والدة الشهيد: "هتفرج على حلقة استشهاد علي، بكرة، وهتفرج على آخر لحظة.. أنا قوية أوي.. وعلي، دايما كان بيقول أمي قوية، علشان شافني قوية وواقفة أربيهم بكل قوة، وربيت بطل كان وسط أبطال وقفوا للإرهاب، وابني وقف لعدوه زي ما كنت بوصيه وبدعيله.. كنت بقوله ربنا يديلك القوة وتجيب عدوك تحت رجليك وربنا استجابلي وكنت بقوله دوس على عدوك تحت رجليك".

وأكدت والدة البطل علي علي: "أنا قوية وهشوف حلقة بكرة.. وفي الجنازة وقفت وقولت محدش يعيط زغرطوا ابني شهيد وبيتزف للجنة".

مسلسل الاختيار، بطولة أمير كرارة، أحمد العوضي، دينا فؤاد، سارة عادل، وضياء عبدالخالق، وعدد كبير من الفنانين، تأليف باهر دويدار، وإخراج بيتر ميمي، وإنتاج شركة سينرجي، ويجسد قصة الشهيد البطل أحمد صابر منسي.